8 XHEPISTË U ARRESTUAN NË ROMË: VODHËN NËPËR XHEPAT DHE ÇANTAT E BESIMTARËVE QË MORËN PJESË NË CEREMONINË MORTORE TË PAPA FRANÇESKUT.

Romë, Itali | Karabinierët vetëm në 48 orët e fundit kanë arrestuar tetë veta dhe kanë denoncuar katër të tjerë.

Gjithçka ndodhi në vendet me fluksin më të madh të njerëzve, në stacionet e metrosë dhe autobusëve, dhe në bordin e transportit publik, përgjatë rrugëve nëpër të cilat besimtarët rrjedhin në të gjitha drejtimet që të çojnë në Vatikan dhe te Shën Mari Madhështorja (Santa Maria Maggiore).

Tre veta u ndaluan në linjat e metrosë - në stacionet Manzoni, Vittorio Emanuele dhe Arco di Travertino - menjëherë pasi grabitën tre pasagjerë që u drejtuan për të Shën Mari Madhështorja (Santa Maria Maggiore).

Karabinierët e komandës së Romës Piazza Venezia arrestuan më pas dy shtetas algjerianë, të moshës 24 dhe 18, të dy të pastrehë dhe me precedentë penalë, të kapur duke vjedhur dy valixhe nga një makinë, pasi kishin thyer një derë.

Karabinierët ndaluan dhe gjetën mallrat e vjedhura, të cilat, më pas iu kthyen pronarit, një turisti saudit.

Në Via Nazionale, në vend të kësaj, karabinierët me rroba civile nga stacioni Roma Quirinale vunë re një të huaj që i rrëmbeu telefonin inteligjent nga duart një turisti të përfshirë në një bisedë telefonike dhe ndërhynë.

Personi i identifikuar si një 32-vjeçar egjiptian, i pastrehë dhe tashmë i njohur për policinë, u arrestua për vjedhje me rrëmbim.

Pas një kërkese në numrin telefonik 112, karabnierët ndërhynë nëpërmjet Napoleone III, ku një turist italian raportoi se i kishin vjedhur çantën e shpinës, e cila, përmbante gjithashtu një palë kufje Airpods, dhe se i kishte gjetur venndodhjen, duke përdorur një aplikacion të veçantë, përmes Principe Amedeo.

Karabinierët nisën kërkimet dhe gjetën një 49-vjeçar algjerian, të pastrehë dhe me precedentë penalë, të cilit, iu gjet malli i vjedhur. Personi u raportua për marrjen e mallrave të vjedhura.

Të gjitha viktimat e vjedhjes bënë një ankesë formale dhe të gjitha arrestimet u vërtetuan.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit