ADMINISTRATA E USHQIMIT DHE BARNAVE (FDA) KA PËRCAKTUAR SE VAKSINA E RE KOVID PËR VJESHTËN DO TË DUHET TË SYNOJË VARIANTIN KP.2.

Uashington, Amerikë | Në një vendim të befasishëm, i cili nuk ndjek mendimin e komitetit të saj të ekspertëve, Administrata e Ushqimit dhe Barnave ka përcaktuar se vaksina e re Kovid (Covid) për vjeshtën do të duhet të synojë variantin KP.2.

Vetëm një javë më parë, komisioni i specialistëve kishte rekomanduar një formulim të ri kundër mutacionit “nënë” JN.1.

Z. Petër (Peter) Marks, kreu i departamentit të rregulloreve të vaksinave të agjencisë, shprehu menjëherë mosmarrëveshjen e tij, duke e çuar FDA-në në rezolutën e re: kështu FDA u dha urdhër kompanive farmaceutike që të fillonin punën për zhvillimin e një imunizimi specifik kundër variantit KP.2, e cila tani është dominuese në SHBA, e ndjekur nga PK.3.

“Të dhënat e fundit, që kanë të bëjnë edhe me rritjen e rasteve me Covid në disa zona të vendit, tregojnë se synimi i variantit KP.2 është zgjidhja më e mirë”, tha z. Marks.

“Ne paguajmë çmime të pabesueshme për vaksinat mRna për Covid, të paktën duhet të marrim vaksinën më të freskët”, shtoi ai, duke bërë një krahasim me blerjen e qumështit.

Vaksinat e reja do të prodhohen nga Pfizer dhe Moderna, të cilat përdorin teknologjinë mRna, ndërsa nuk është e qartë nëse Novavax - e cila në vend të kësaj përdor metodologjinë tradicionale, me kohëra më të gjata prodhimi - do të jetë në gjendje të sigurojë imunizimin e ri.

https://shorthand.com/the-craft/best-paywall-providers/index.html

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit