AGJENCIA E MBIKËQYRJES POLICORE (RAJONI ELBASAN - KORÇË) ARRESTOI ME INICIATIVË PUNONJËSIN E POLICISË SË SHTETIT JURGEN RUSHITAJ: OFICER I PATRULLËS SË PËRGJITHSHME NË KOMISARIATIN E POLICISË KORÇË.

Korçë, Shqipëri | Agjencia e Mbikëqyrjes Policore (Rajoni Elbasan - Korçë) arrestoi me iniciativë punonjësin e Policisë së Shtetit Jurgen Rushitaj, me detyrë Oficer i Patrullës së Përgjithshme në Komisariatin e Policisë Korçë.

Ai akuzohet për tre vepra penale, konkretisht:

1- “Mosdhënia ndihmë”.

2- “Largimi nga vendi i aksidentit”.

3- “Shkelja e rregullave të qarkullimit rrugor”.

Njoftim | Agjencia e Mbikëqyrjes Policore (Rajoni Elbasan - Korçë) ka ndaluar me iniciativë punonjësin e policisë Inspektor J. R., me detyrë Oficer i Patrullës së Përgjithshme në Komisariatin e Policisë Korçë, i dyshuar për veprat penale “Mosdhënia ndihmë”, “Largimi nga vendi i aksidentit” dhe “Shkelja e rregullave të qarkullimit rrugor”.

Ndalimi i tij u bë pasi me datë 03/03/2025 duke drejtuar mjetin e tij në aksin Hoçisht - Bilisht, është përfshirë në një aksident rrugor me pasojë plagosjen e shtetasit D. GJ., dhe është larguar nga vendi i ngjarjes duke mos i dhënë ndihmë të aksidentuarit dhe duke mos njoftuar organet e rendit.

Si pasojë e aksidentit shtetasi D. GJ., është dërguar për mjekim të specializuar në Spitalin e Traumës në Tiranë.

AMP mbetet e përkushtuar në misionin e saj për garantimin e zbatimit të ligjit dhe fton qytetarët të denoncojnë çdo rast të abuzimit apo shkeljes së ligjit nga ana e punonjësve të strukturave mbikëqyrëse, duke telefonuar në numrin e gjelbër 0800 9090, ose duke dërguar Email në adresën ankesa@amp.gov.al , thuhet në njoftimin zyrtar.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit