ANIJA KINEZE YI PENG 3 E VENDOSUR NËN HETIM PENAL PËR SABOTIM KABLLOR U NIS PËR UDHËTIM | SUEDIA PROTESTON: PROKURORI PUBLIK NUK U LEJUA TË HIPTE NË BORDIN E SAJ PËR INSPEKTIM DHE INTERVISTIME.

Stokholm, Suedi | Anija tregtare kineze Yi Peng 3, e dyshuar se ka luajtur një rol në sabotimin e dy kabllove nënujore të telekomunikacionit në Detin Baltik midis 15 dhe 17 nëntorit 2024, ka rifilluar lundrimin, pas rreth një muaji, në të cilin ishte ankoruar në ngushticën e Kattegat-it, midis Suedisë dhe Danimarkës, pa u lejuar prokurori suedez në bord.

Qeveria suedeze protestoi.

Autoritetet suedeze po hetojnë për sabotim të dyshuar dhe këtë javë policia suedeze u ftua në bordin e anijes si vëzhgues, ndërsa përfaqësuesit e autoriteteve kineze rezervuan të drejtën për të udhëhequr hetimin.

Megjithatë, prokurori suedez nuk mori leje për të hipur dhe për këtë arsye nuk ishte në gjendje të kryente anketa në terren.

Tani anija ka nisur lundrimin dhe po lundron përsëri.

“Qeveria e merr çështjen shumë seriozisht”, deklaroi ministrja e Jashtme suedeze, Maria Malmer Stenergard.

“Është e çuditshme që anija largohet pa prokurorin publik, në kuadër të një hetimi penal suedez, pasi ka pasur mundësinë të inspektojë anijen dhe të merrte në pyetje ekuipazhin”, shtoi ministrja Stenergard, raportuar nga agjencia suedeze e lajmeve TT.

Ministrja deklaroi gjithashtu se qeveria suedeze po ndjek me vëmendje zhvillimet në këtë çështje, por nënvizoi rëndësinë që drejtësia të marrë rrugën e saj në mënyrë të pavarur.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit