ARABIA SAUDITE DO TË TESTOJË TRENIN E PARË ME HIDROGJEN | MIQËSOR ME MJEDISIN.

Uashington, Amerikë | Arabia Saudite do të testojë trenin e parë të hidrogjenit në Lindjen e Mesme, njoftoi ministri i Energjisë, Princi Abdulaziz bin Salman. Testimi fillimisht do të zgjasë një javë, dhe mund të zgjasë për disa muaj.

Trenat e hidrogjenit përdorin qelizat e karburantit, për të gjeneruar energji elektrike, duke emetuar vetëm avujt e ujit si nënprodukt, duke i bërë ato miqësore me mjedisin.

Ato janë veçanërisht të përshtatshme për rajonet ku elektrifikimi i binarëve të trenave është jopraktik.

Për të nxitur adoptimin e trenave të hidrogjenit, infrastruktura për prodhimin dhe shpërndarjen e hidrogjenit, ka nevojë për zhvillim të mëtejshëm.

Nga z. Erton Duka.

© Copyright | Agjencia Telegrafike Vox