___.png)
Buenos Aries, Argjentinë | Gjashtë fotografi të tjera të ish-zonjës së parë argjentinase Fabiola Janez (Yañez), me mavijosje në fytyrë si pasojë e rrahjeve të supozuara në një kontekst dhune gjinore, u publikuan nga portali i lajmeve Infobae pasditen e sotme pasi nëna e saj dëshmoi në gjyqin e hapur kundër ish-presidentit Alberto Fernández.
Në një nga pamjet gruaja ka një jastëk xheli të ftohtë në syrin e saj të djathtë, tipike për atë që përdoret për të reduktuar inflamacionin.
Ankesa e znj. Fabiola Janez (Yañez), e cila ka siguruar pamjet e reja në të cilat ajo shihet me mavijosje të dukshme në fytyrë, i lidh të goditurat me një ngjarje të muajit korrik të vitit 2021, kur në mes të pandemisë Covid-19, sipas ankesës së ish-zonjës së parë, z. Fernandez e kishte rrahur.
Znj. Miriam Janez (Yañez) Verdugo, nëna e Fabiolës, deklaroi në gjykatë se ish-presidenti Fernández kreu akte të përsëritura të dhunës fizike ndaj vajzës së saj, duke forcuar çështjen kundër tij.
Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.
Nga z. Erton Duka.
© Copyright | Agjencia Telegrafike Vox
Ne të njohim me botën | www.007vox.com | Burimi yt i informacionit
Comments