BE: “DIREKTIVË PËR SHTËPITË E GJELBRA”.

Bruksel, Belgjikë | Lajme për të ashtuquajturën “Direktiva për Shtëpitë e Gjelbra”.

Institucionet e BE-së kanë arritur marrëveshje për rregullat e reja për performancën energjetike të ndërtesave. Kjo është bërë e ditur nga Parlamenti Evropian.

Marrëveshja erdhi pas negociatave jozyrtare midis Komisionit, Këshillit, dhe Parlamentit të Bashkimit Europian, të cilët, vendosën për rishikimin e Direktivës së Performancës Energjetike të Ndërtesave.

Dispozita kërkon që shtetet anëtare të garantojnë reduktimin e konsumit mesatar të energjisë së ndërtesave me 16% gjer në vitin 2030, dhe me 26% gjer në 2035.

Detyrimi që ndërtesat të braktisin kaldajat me gaz, është shtyrë nga viti 2035 gjer në 2040.

Ligji ka të bëjë me eliminimin e lëndëve djegëse fosile.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit