BELGJIKA ËSHTË VENDI I PARË QË SIGURON NJË KONTRATË PUNE PËR PROSTITUTAT | SIGURIME SHOQËRORE DHE RREGULLA PËR PUNËDHËNËSIN.

Bruksel, Belgjikë | Belgjika bëhet vendi i parë në botë që u garanton prostitutave një kontratë pune normale, të plotësuar me pagë edhe në rast sëmundjeje, akses në sigurimet shoqërore, sigurime shëndetësore dhe leje lehonie.

Ligji i miratuar në muajin maj, në fuqi nga e diela, parashikon që punonjëset e seksit, si çdo punonjës tjetër, mund të nënshkruajnë një kontratë normale me një punëdhënës për të gëzuar të gjitha të drejtat sociale.

Megjithatë, ata që duan të punësojnë punonjëse seksi duhet së pari të marrin njohje të posaçme, pra të plotësojnë kushte strikte.

Për shembull, nuk duhet të keni qenë të dënuar për krime të rënda si vrasja nga pakujdesia, trafikimi i qenieve njerëzore, vjedhja ose mashtrimi.

Pa këtë prerogativë, nëse punëdhënësi vazhdon të punësojë prostituta, ai/ajo mund të ndiqet penalisht për shfrytëzim prostitucioni.

Punëdhënësi gjithashtu duhet të sigurojë një mjedis të sigurt pune.

Për shembull, duhet të ketë një buton alarmi të disponueshëm në dhomë për të njoftuar një këshilltar të besuar.

Nëse puna kryhet në rrugë, ajo duhet të jetë e pajisur me një buton alarmi cellular.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit