BIBLIOTEKA KOMBËTARE E REPUBLIKËS SË SHQIPËRISË HAPI EKSPOZITË ME RASTIN E 80-VJETORIT TË LINDJES SË DR. IBRAHIM RUGOVËS.

Tiranë, Shqipëri | Në nderim të intelektualit të madh, studiuesit dhe shkrimtarit të Kosovës, Dr. Ibrahim Rugovës, Biblioteka Kombëtare e Shqipërisë përkujtoi sot 80-vjetorin e lindjes së arkitektit politik të Kosovës, z. Ibrahim Rugova.

Përkujtimi u krye nëpërmjet hapjes së një ekspozite.

Kjo ekspozitë përcjell një panoramë mbi punën studimore të Dr. Ibrahim Rugovës, pasuri e cila vijon të jetë kontribut i çmuar në letërsinë dhe bibliografinë shqiptare.

Çështja e Kosovës ka qenë një nga objektet kryesore të veprimtarisë së tij politike e shprehur në titujt: “Çështja e Kosovës: biseda me Marie-Françoise Allan dhe Xavier Galmiche”, “Pavarësia dhe demokracia: intervista dhe artikuj”.

Gjithashtu, nuk mungojnë artikuj të shkëputur nga organe, si:“Rilindja”, “Nëntori” etj.

Ekspozita do të qëndrojë e hapur për publikun në Hollin kryesor të BKSH-së përgjatë gjithë kësaj jave.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit