BISEDIME MES SHBA-ës DHE RUSISË | DELEGACIONI RUS UDHËHIQET NGA KRYETARI I KOMISIONIT TË PUNËVE TË JASHTME TË SENATIT GRIGORI KARASIN DHE NGA SERGEI (SERGEY) BESEDA - KËSHILLTAR I DREJTORIT TË FSB-së.

Riad, Arabia Saudite | “Delegacionet ruse dhe amerikane kanë filluar bisedimet në Riad për të arritur një marrëveshje armëpushimi në Ukrainë”, njoftoi agjencia shtetërore ruse e lajmeve “Tass”.

Agjencia zyrtare e lajmeve e Moskës raportoi lajmin duke cituar një burim të afërt me delegacionin rus.

“Takimi - raporton ‘Tass’ - po zhvillohet në hotelin Ritz-Carlton në Riad; delegacioni i Moskës udhëhiqet nga kryetari i Komisionit të Punëve të Jashtme të Senatit, Grigori Karasin dhe z. Sergei (Sergey) Beseda, këshilltar i drejtorit të FSB-së”.

Takimi i sotëm vjen pas takimit të djeshëm ndërmjet delegacioneve të SHBA-së dhe Ukrainës, po në Riad të Arabisë Saudite.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit