BRITANI E MADHE: CISTERNA E NAFTËS U PËRPLAS ME NJË ANIJE MALLRASH | MBI 32 MARINARË TË PLAGOSUR SI PASOJË E ZJARRIT QË RA NË BORD; 30 U NXORRËN NË BREG NGA EKIPET E SHPËTIMIT.

Londër, Britania e Madhe | Përplasja dhe kërcënimi i ndotjes në Detin e Veriut, në brigjet e Britanisë, midis një cisterne nafte dhe një anijeje mallrash.

Transmetuesi televiziv “BBC” raporton bazuar në informacionin e Rojës Bregdetare, duke specifikuar se në bordin e cisternës së naftës shpërtheu një zjarr dhe se përpjekjet e shpëtimit po koordinohen nga qyteti port anglez Hull.

Alarmi u ngrit pak para orës 10:00 me orën lokale, 11:00 në Shqipëri, siç raportohet në një deklaratë të lëshuar nga Roja Bregdetare Britanike.

Përplasja midis një cisternë nafte dhe një anijeje mallrash ndodhi në brigjet e Jorkshaiërit (Yorkshire) Lindor, thuhet në deklaratë, duke evokuar një emergjencë të vazhdueshme.

Të paktën 32 marinarë u plagosën në një përplasje mes një cisterne nafte dhe një anijeje mallrash mëngjesin e sotëm në Detin e Veriut, në brigjet e Britanisë, duke shkaktuar zjarre në bord.

Këtë e raporton transmetuesi televiziv britanik “BBC”, duke cituar burime nga shërbimet e shpëtimit dhe shton se më shumë se 30 persona deri më tani janë nxjerrë në breg.

Roja Bregdetare, nga ana e saj, njoftoi se ka urdhëruar vlerësime ad hoc për të verifikuar ndikimin e ndotjes së mundshme”të shkaktuar nga aksidenti i ndodhur pak kilometra larg portit anglez të Hull-it.

Përpjekja e shpëtimit po mbështetet nga një helikopter nga Humberside dhe anije të ndryshme të dërguara nga Skegness, Bridlington, Mapplethorpe dhe Cleethorpes, si dhe nga qyteti i qarkut Hull.

I gjithë ekuipazhi i cisternës së naftës Stena Immaculate është numëruar tashmë në breg, raportojnë mediat britanike, duke zbutur frikën se aksidenti mund të ketë shkaktuar vdekje.

Megjithatë, fati i të gjithë marinarëve që ndodheshin në bordin e anijes së mallrave Solong nuk është ende i qartë, as - për momentin - kushtet e sakta të të plagosurve dhe të mavijosurve.

Rindërtimi i incidentit duket se konfirmon se anija tregtare përplasi Stena Immaculate: në momentin e përplasjes Solong po lundronte me një shpejtësi prej rreth 16 nyje, ndërsa Stena Immaculate ishte pothuajse e palëvizshëme, pasi kishte ankoruar ankorat e saj në Hull.

Mbetet për t'u kuptuar se si ka ndodhur përplasja, në kushte joekstreme detare dhe moti në dukje.

Të dyja anijet e përfshira janë civile. Solong i përket një kompanie gjermane të transportit, por aktualisht mban flamurin e Portugalisë, pasi i është dhënë me qira një kompanie portugeze.

Ndërsa Stena Immaculate është në pronësi të pronarit suedez të anijes Stena Bulk, nga familja Olsson, por mban flamurin e ShBA-së pasi është marrë me qira nga kompania kaliforniane e transportit Krauli (Crowley).

Cisterna është një nga 10 anijet civile të autorizuara gjithashtu për të transportuar karburant të destinuar për ushtrinë amerikane, raporton transmetuesi televiziv britanik “BBC”.

Nuk konfirmohet se ajo ka qenë e angazhuar në aktivitete të tilla në këtë udhëtim.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit