BRITANI E MADHE: GJYKATA E UINÇESTËR KRAUN (WINCHESTER CROWN) SHQIPTOI DËNIM PENAL ME DY VJET E GJYSËM (30 MUAJ) BURG PËR ASMIRALD ABAZIN | TREGTAR DROGE.

Londër, Britani e Madhe | Autoritetet britanike të hetimit penal shqiptuan dënim penal me dy vjet e gjysëm (30 muaj) heqje lirie për:

1- Z. Asmirald Abazi.

Ai u akuzua si tregtar drogërash.

Ai u arrestua më 28-shtator të vitit 2023 në rrugën “High Street”, Olldërshot (Aldershot), teksa ishte duke udhëtuar me një automjet tip “Skoda”, brenda të cilit, u gjetën dhe u sekuestruan në cilësinë e provës materiale me karakter kompromentues penal një sasi e konsiderueshme droge e dyshuar e klasit A si dhe 1000 paund pare të thata (kesh).

Pas arrestimit ai u lirua me kusht, ndërsa autoritetet vijuan hetimet penale.

Në përfundim të hetimeve penale z. Abazi u deklarua fajtor dhe u dënua me 30 muaj burg nga Gjykata e Uinçestër Kraun (Winchester Crown).

Gjykata shqiptoi gjithashtu edhe një urdhër konfiskimi për 1000 paund që iu sekeuestruan, të cilat, do të dërgohen për bamirësi.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit