CHATGPT KËRKON NJË ALFABET TË RI DEMOKRATIK.

Nga z. Marco Perilli*. * Marco Perilli është një avokat që merret kryesisht me ligjin ndërkombëtar të të drejtës së autorit, mbrojtjen e të dhënave personale, ligjin e teknologjive të reja dhe inteligjencën artificiale. Kohët e fundit ai themeloi blogun/workshop-in mbi Ligjin e Inteligjencës Artificiale Romë, Itali | Luciano Floridi, Profesor i plotë i Filozofisë dhe Etikës së Informacionit në Universitetin e Oksfordit, ku ai drejton Laboratorin e Etikës Dixhitale , në fjalimin e tij në Forumin e Ditës së Privatësisë, të mbajtur në CNR në Piza, më 25 maj 2023, tha se duke e bërë ChatGPT në dispozicion për këdo ishte “asgjë më pak se një budallallëk.” Kjo ndoshta është e vërtetë, por është gjithashtu tepër vonë për ta rregulluar atë. Etika e Inteligjencës Artificiale (AI) dhe përputhshmëria e saj me parimet demokratike, është një nga çështjet më aktuale, dhe më të rëndësishme në lidhje me ardhjen e Inteligjencës Artificiale (AI) si një fenomen masiv. Normat dhe vlerat ndryshojnë shumë në kontekste të ndryshme kulturore, gjeografike dhe sociale, dhe mënyra se si një sistem i Inteligjencës Artificiale (AI), si ChatGPT, lundron në këtë peizazh diversiteti është një çështje komplekse dhe e ndjeshme. Një nga çështjet kryesore është gjetja e ekuilibrit të duhur midis respektimit të ideve të përdoruesit, dhe mbajtjes së sjelljes së përgjegjshme, dhe të sigurtë. Në disa raste, mund të jetë e përshtatshme që Inteligjenca Artificiale (AI) të pasqyrojë besimet dhe vlerat e përdoruesit, por në të tjera, mund të jetë e nevojshme që ajo të kundërshtojë ose të largojë përdoruesin, për shembull, kur idetë ose veprimet e tyre mund të shkaktojnë dëm për veten, ose për të tjerët. Natyra globale e një sistemi si ChatGPT e bën këtë sfidë jo vetëm të paprecedentë, por edhe veçanërisht komplekse. Një sistem i Inteligjencës Artificiale (AI), i përdorur në mbarë botën, duhet të jetë në gjendje të përshtatet dhe të jetë në përputhje me një gamë të gjerë normash kulturore, etike dhe ligjore. Në të njëjtën kohë, duhet të shmangë imponimin e një grupi të caktuar vlerash ose normash ndaj përdoruesve, që mund të mos i ndajnë ato. OpenAI Inc., organizata që zhvilloi ChatGPT, njoftoi në një postim në blog më 25 maj 2023, dhënien e dhjetë granteve prej 100000 dollarësh secili, për të financuar eksperimente që synojnë krijimin e një procesi demokratik, për të vendosur se cilat rregulla duhet të ndjekin sistemet e inteligjencës artificiale, brenda kufijve të përcaktuara me ligj. Se sa ky njoftim korrespondon me një nevojë reale për bashkëpunim nga OpenAI, apo me logjikën mediatike të kompanisë, e cila përpiqet të japë masën e angazhimit të saj në temën e demokracisë me tingujt e dollarëve, këtu nuk ka pak interes. Kujtojmë se CEO i saj, Sam Altman, është pritur ditët e fundit nga krerë të ndryshëm shtetesh, përfshirë presidentin francez Emanuel Makron, z. Rishi Sunak, kryeministër i Mbretërisë së Bashkuar dhe z. Pedro Sançez, kryeministër spanjoll. Akti Inteligjencës Artificiale (AI), i draft rregullores evropiane, për inteligjencën artificiale në proces miratimi, e cila synon në mënyrë ambicioze të vendosë kufizime, dhe kërkesa strikte për përdorimin e saj, duke njoftuar se OpenAi mund të vendosë të mbyllë rubinetat e inteligjencës artificiale të saj në Evropë, nëse rregullat nuk ndryshojnë. Postimi i OpenAI ilustron një prototip të një sistemi që përdor ChatGPT për të promovuar diskutimin dhe për të inkurajuar ndërtimin e konsensusit. Për shembull, në një diskutim rreth asaj se si duhet të jetë i personalizuar një asistent i Inteligjencës Artificiale (AI) si ChatGPT, për t'u përshtatur me shijet dhe preferencat e përdoruesit, ChatGPT mund të ndihmojë në grupimin e pjesëmarrësve me mendime të njëjta, dhe të promovojë deklarata propozuese, që kërkojnë të arrijnë marrëveshje midis njerëzve me pikëpamje të kundërta. OpenAI pranon se ka disa çështje që mund të dëmtojnë proceset demokratike, të tilla si mungesa ose përfaqësimi joadekuat i grupeve të pakicës ose shumicës, manipulimi nga grupet e interesit të veçantë ose dezinformimi. Si rezultat, ata janë në kërkim të ekipeve që trajtojnë në mënyrë proaktive këto sfida dhe demonstrojnë ndërgjegjësim për të metat dhe dobësitë e mundshme të qasjeve të ndryshme. Së fundi, duhet theksuar se OpenAI thekson qartë se rezultatet e ekipeve që do të fitojnë çmimin nuk do të jenë të detyrueshme për kompaninë.