DAKORDËSI PËR PROJEKTIN PILOT PËR NDËRTIMIN E RRUGËVE ME MATERIAL RADIOAKTIV NË FLORIDA | DAKORDËSIA PËR PROJEKTIN KA NGJALLUR NJË REAGIM TË ASHPËR NGA GRUPET MJEDISORE.

Florida, Amerikë | Agjencia Amerikane për Mbrojtjen e Mjedisit (EPPA) ka miratuar një projekt pilot që do të lejojë një kompani të ndërtojë një rrugë duke përdorur një nënprodukt të plehut radioaktiv.

Dakordësia për projektin ka ngjallur tashmë një reagim të ashpër nga grupet mjedisore.

Dakordësia nga administrata Baidn (Biden) i lejon kompanisë Mosaic Fertilizer, LLC të ndërtojë një rrugë të bërë nga fosfogipsi në pronën e saj në New Wales, Florida.

“Fosfogipsi përmban radium, i cili, zbërthehet në gaz radon, radioaktiv dhe potencialisht kancerogjen”, sipas EPA.

Në të kaluarën, agjencia kishte ngritur shqetësime për përdorimin e këtij materiali në ndërtimin e rrugëve.

Në vitin 1992, ai tha se përdorimi i fosfogipsit në ndërtimin e rrugëve përbën rrezik si për punëtorët e ndërtimit, ashtu edhe për këdo që më vonë ndërton një shtëpi në të njëjtën zonë.

Në këtë rast agjencia ka përcaktuar se rruga mund të ndërtohet pasi publiku nuk do të ketë kontakt me të.

Megjithatë, Mosaic, i cili do të ndërtojë rrugën, e përshkroi nismën si pjesë të një projekti pilot, i cili, do të demonstrojë një sërë... projektesh të ndërtimit të rrugëve.

Është e paqartë nëse ndërtimi i rrugëve shtesë do të pasojë - megjithëse kjo ka të ngjarë të kërkojë miratime shtesë.

Z. Ragan Whitlock, një avokat në Qendrën për Diversitetin Biologjik, e quajti vendimin e EPA-s shqetësues.

“Ky zhvillim rrit në mënyrë dramatike potencialin për dëmtim të ekuipazheve tona rrugore dhe cilësisë së ujit”, tha z. Uaitlok (Whitlock) në një deklaratë.

“EPA iu nënshtrua presionit politik nga industria e fosfatit dhe hapi rrugën për përdorimin e këtyre mbetjeve të rrezikshme në rrugët anembanë vendit”.

Në vitin 2020, nën administratën Tramp, EPA miratoi përdorimin e fosfogipsit në ndërtimin e rrugëve qeveritare.

Miratimi u tërhoq nën administratën Baidn (Biden) dhe është e paqartë nëse administrata e ardhshme e Tramp do të kërkojë ta rikthejë atë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit