DEMONSTRATA PRO JETËS: PAPA NXITIT DEMONSTRUESIT TË SHKOJNË PËRPARA ME GUXIM.

Vatikan | Papa Françesku u dërgoi një mesazh pjesëmarrësve në demonstratën “Të zgjedhim jetën” që do të mbahet sot në Romë.

“Unë ju bëj thirrje që të ecni përpara me guxim pavarësisht nga të gjitha vështirësitë: aksionet, domethënë dinjiteti absolut i jetës njerëzore, një dhuratë nga Zoti Krijues, janë shumë të larta për të qenë objekt kompromisi apo ndërmjetësimi.

Nuk bëhen kompromise mbi jetën njerëzore”, nënvizon Papa në mesazh.

Ndaj në Romë do të zhvillohet: “Zgjidh Jetën”, demonstrata kombëtare me mbi 120 shoqata e cila do të nxjerrë në rrugë mijëra familje dhe qytetarë nga e gjithë Italia, të cilët do të marshojnë në kortezh për të festuar dinjitetin e jetës njerëzore dhe mbrojtjen e saj në çdo fazë dhe gjendje, që nga ngjizja deri në vdekjen natyrore.”

Kështu Massimo Gandolfini, një nga zëdhënësit e demonstratës pro-jetës që do të nisë nesër, në orën 14, nga Sheshi i Republikës (Piazza della Repubblica) dhe më pas do të përfundojë, pas një kortezhi, në rrrugën e Luleve Perandorake (via dei Fori Imperiali).

“Jeta, lindshmëria dhe kolonizimet gjinore ideologjike kanë hyrë në axhendën politike, aq sa kanë ndikuar edhe në punën e G7-ës”, shton z. Gandolfini.

“Ne do të pushtojmë rrugët e kryeqytetit me gëzim, lumturi, guxim, për të dëshmuar bukurinë e familjes, të hapur ndaj jetës, shpresës së vërtetë të vendit tonë.

Do të kërkojmë nga Qeveria, të gjitha partitë, institucionet dhe administratat vendore, pa përjashtim, që tani të kemi një vështrim të privilegjuar ndaj familjeve, fëmijëve, të moshuarve, çifteve të reja dhe natyrisht grave, shumë shpesh të diskriminuara sepse janë nëna, ose të braktisura në vetmi dhe aborte përballë shtatzënive të papritura ose të vështira, shkurt, do të jetë një festë e madhe”, përfundoni zëdhënësja tjetër e eventit, Maria Rachele Ruiu.

https://shorthand.com/the-craft/best-paywall-providers/index.html

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit