“DETYRIM PARAQITJE” PËR REI BITRIN | AKUZOHET SE PËRPLASI NJË PUNONJËS TË POLICISË SË SHTETIT ME AUTOMJET.

Tiranë, Shqipëri | Gjykata e Tiranës shqiptoi masën e sigurimit vetjak “detyrim paraqitje” për z. Rei Bitri, me moshë 21 vjeç.

Ai akuzohet se aksidentoi në orët e para të mëngjesit të ditës së enjte një punonjës të Policisë së Shtetit.

Gjatë seancës gjyqësore z. Bitri pretendoi se punonjësi i Policisë së Shtetit i doli përpara papritur dhe se nuk e pa.

Në sallën e gjykimit u pretendua se punonjësi i Policisë së Shtetit ka dëmtime të lehta dhe se ndodhet jashtë rrezikun për jetën.

Prokuroria ka marrë edhe dëshmitë e dy kolegëve të tij që ishin me shërbim në rrugën “Xhanfize Keko”, në çastin kur ndodhi aksidenti automobilistik.

Z. Rei Bitri ka qenë duke udhëtuar me automjet kur punonjësi i Policisë së Shtetit i ka dhënë sinjal të ndalonte kur z. Bitri e aksidentoi duke e lënduar në këmbë.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit