NIKARAGUA: DIKTATORI MARKSIST-LENINIST DANIEL ORTEGA ZGJODHI BASHKËSHORTEN SI KOMANDANTE TË PËRGJITHSHME TË FORCAVE TË ARMATOSURA.

Managua, Nikaragua | Në muajin shkurt të vitit 2025 znj. Rosario Murillo u bë bashkëpresidente e vendit.

Asambleja Kombëtare e Nikaraguas ka miratuar një reformë legjislative që i jep znj. Rosario Murillo, bashkëshortes së diktatorit marksist-leninist Daniel Ortega, kontroll të drejtpërdrejtë të ushtrisë, duke konsoliduar modelin e pushtetit të drejtuar nga familja që ka dominuar vendin për më shumë se një dekadë.

Masa vjen në një kontekst të militarizimit në rritje, represionit dhe përqendrimit absolut të pushtetit në duart e çiftit presidencial.

Nisma modifikon Kodin e Organizimit, Juridiksionit dhe Sigurisë Ushtarake dhe përcakton se Ushtria Nikaraguane është nën komandën e Presidencës së Republikës si Komandante Supreme.

Që nga muaji shkurti, znj. Murillo është ngritur zyrtarisht në gradën e bashkëpresidentes përmes një reforme kushtetuese që shpërndau zyrën e zëvendëspresidentit në favor të një presidence të përbashkët me diktatorin Ortega.

Në praktikë, ndryshimi ligjor zyrtarizon një situatë pushteti të ushtruar prej vitesh.

Me këtë ligj të ri, znj. Murillo do të ketë komandën e drejtpërdrejtë të Forcave të Armatosura pasi ligji të ratifikohet në një votim të dytë dhe të botohet në Fletoren Zyrtare.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit