DIKTATORI ÇAVISTO-KOMUNIST I VENEZUELËS NIKOLAS (NICOLÁS) MADURO PRITI TË DËRGUARIN E POSAÇËM (SPECIAL) TË PRESIDENTIT AMERIKAN DANLLD TRAMP (DONALD TRUMP) RIÇËRD GRENLL (RICHARD GRENELL).

Karakas, Venezuelë | Diktatori çavisto-komunist i Venezuelës Nikolas (Nicolás) Maduro priti të dërguarin e posaçëm (special) të presidentit amerikan Danlld Tramp (Donald Trump) Riçërd Grenll (Richard Grenell), në pallatin presidencial Miraflores.

Z Grenll (Grenell) shkoi në Karakas për të marrë miratimin për të dëbuar anëtarët e organizatës kriminale transnacionale venezueliane Tren de Aragua të arrestuar edhe në Shtetet e Bashkuara si për të marrë lirimin e qytetarëve të shumtë amerikanë të burgosur në Venezuelë.

Shtrëngimi i duarve mes diktatorit Maduro dhe të dërguarit të posaçëm Grenll (Grenell) u transmetua drejtpërdrejt nga kanali shtetëror Venezuela de Televisión (VTV).

Shtëpia e Bardhë sqaroi sot se udhëtimi i z. Grenll (Grenell) në Karakas nuk do të thotë se Shtetet e Bashkuara e njohin diktatorin Maduro si president të Venezuelës.

“Absolutisht jo”, tha zëdhënësja e Shtëpisë së Bardhë Kerolain Levit (Karoline Leavitt), duke shpjeguar se z. Grenell udhëtoi për në Venezuelë me dy direktiva shumë të qarta, konkretisht të sigurohet që:

1- Anëtarët e Tren de Aragua, 400 prej të cilëve janë aktualisht në paraburgim në Amerikë, të riatdhesohen në Venezuelë.

2- Të gjithë të burgosurit amerikanë të kthehen në shtëpi.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit