E DËRGUARA E SHBA-ës NENSI (NANCY) VANHORN: PROKURORIA E POSAÇME KA NDRYSHUAR MËNYRËN SE SI QYTETARËT I SHOHIN QEVERITARËT.

Tiranë, Shqipëri | Në Ditën Ndërkombëtare Kundër Korrupsionit, e Ngarkuara me Punë Nancy VanHorn, u ka dërguar një mesazh institucioneve dhe të gjithë atyre që kanë ngritur kryet kundër drejtësisë së re.

“Dua të ndaj me ju se javën e kaluar kur isha në Vlorë, kjo ishte një temë që njerëzit e përmendën, qofshin studentë në universitet, aktivistë të shoqërisë civile, apo edhe zyrtarë publikë.

Lufta kundër korrupsionit kërkon vërtet një transformim në qasjen dhe mentalitetin e dikujt. Ministrja përmendi një sërë institucionesh. Ajo përmendi edhe SPAK-un.

Një gjë që më është bërë e qartë është se kur njerëzit mendojnë kundër korrupsionit, mendojnë SPAK-un. Kjo tregon ndikimin që SPAK-u ka pasur, ndaj kjo është një gjë e mirë.

Por mendoj se z. Dumani do të ishte personi i parë që do të thoshte se SPAK-u nuk vepron i vetëm.

Çdo sukses që ata kanë në hetimin dhe ndjekjen penale të rasteve është për shkak të të gjithë të tjerëve në peizazhin e drejtësisë.

Dhe më e rëndësishmja, sepse është pritshmëria që qytetarët shqiptarë kanë tani për qeveritarët e tyre. Pra, në mbyllje, dëshiroj të reflektoj për pjesën e fundit, rolin që ka çdo qytetar në këtë luftë.

Sidomos të rinjtë, sepse lufta kundër korrupsionit është në të vërtetë lufta për të ndërtuar një të ardhme për Shqipërinë, ku e shihni veten të qëndroni në këtë vend dhe të zhvilloheni këtu”, tha znj. Nensi (Nancy) VanHorn gjatë nisjes së projektit “Integrity Chronicles”, me mbështetjen e DASh-it, ku e pranishme ishte dhe ministrja për Administratën Publike dhe Antikorrupsionin Adea Pirdeni.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit