___.png)
Ferizaj, Kosovë | Një ngjarje e rëndë kriminale ngjau dje pasdite në parkimin e një salle dasmash në Ferizaj të Kosovës.
Një person i moshuar është vrarë me armë zjarri nga një punonjës policie.
Ndërkohë janë botuar fotot e autorit të krimit, Festim Ramadani dhe viktimës, Sadri Sadriu.
Krimi ndodhi gjatë një dasme në fshatin Bibaj, ku polici qëlloi për vdekje me armë bashkëshortin e tezes së tij.
Njëkohësisht mësohet se viktima është edhe xhaxhai i bashkëshortit të presidentes së Republikës së Kosovës, Vjosa Osmani.
Ende mbetet mister arsyeja e vrasjes së z. Sadri Sadriu jashtë lokalit ku po zhvillohej dasma.
I dyshuari si doras raportohet se ishte jashtë orarit zyrtar në momentin kur e kreu krimin dhe pas vrasjes është vetëdorëzuar në polici.
Autoritetet konfirmuan se viktima nuk ishte pjesë e dasmës që po zhvillohej.
Prokuroria ka kërkuar si masë paraprake lënien 48 orë në burg të të arrestuarit derisa të sqarohen detajet e ngjarjes.
Motivet e krimit mbeten ende të paqarta.
Personi i ndaluar ngarkohet me veprën, bashkëkryerje në veprën penale vrasje e rëndë sipas Kodit Penal të Republikës së Kosovës.
Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.
Nga z. Erton Duka.
© Copyright | Agjencia Telegrafike Vox
Ne të njohim me botën | www.007vox.com | Burimi yt i informacionit
Comments