FILLOI NDËRTIMI I QYTETIT GJATËSOR TË QUAJTUR “LINJA” | 500 MILIARDË $ INVESTIM.

Riad, Arabia Saudite | Arabia Saudite po ndërton një mega-qytet luksoz në shkretëtirë. Quhet “Linja” dhe shtrihet horizontalisht për 100 milje nëpër shkretëtirë. Qëllimi është që projekti të përfundojë deri në vitin 2030, dhe ndërtimi është duke u zhvilluar mirë.

Duket pothuajse si një rrokaqiell i vendosur horizontalisht, në një farë mënyre, përveçse kushton më shumë - shumë më tepër - sesa një rrokaqiell.

Qëllimi është të ndërtohet një qytet që mund të mbështesë plotësisht veten dhe të strehojë deri në nëntë milionë banorë.

E projektuar nga firma Morphosis Architects me bazë në Shë Monika (Santa Monica), struktura do të jetë 105 milje (160 kilometra) e gjatë, 500 metra e lartë dhe 200 metra e gjerë.

Kjo barazohet me 8350 hektarë ose 13.5 milje katrorë, duke e bërë Linjën më të madhe se Principata e Monakos dhe Gjibraltarit së bashku. PROJEKTI NEOM. Qyteti do të përfshijë zona banimi, si dhe zona tregtare, së bashku me stadiumin e tij, një marinë jahtesh, dhe objekte të tjera, si qendrat tregtare dhe hapësirat e zyrave. Ai do të ketë gjithashtu sistemin e tij të transportit publik, duke bërë të mundur udhëtimin nga njëri skaj në tjetrin në vetëm 20 minuta. Linja është pjesë e një projekti shumë më të madh të quajtur NEOM, i cili përfshin gjithashtu një qytet të zgjuar, një vendpushim malor, dhe një kompani uji dhe hidrogjeni. Është një plan ambicioz, dhe me të vërtetë i shtrenjtë, sepse i gjithë projekti NEOM vlerësohet të kushtojë 1 trilion dollarë. Vetëm Linja do të kushtojë 500 miliardë dollarë. Pastaj përsëri, Mbretëria e Arabisë Saudite është një nga vendet më të pasura në botë, dhe vendi është më se i lumtur të shpenzojë paratë e tij. Fondi i Investimeve Publike të Saudisë (PIF) po shpenzon një shumë të madhe parash për ta bërë Saudinë më tërheqëse për investitorët dhe turistët. Qyteti futuristik është pjesë e këtij projekti, por nuk është e vetmja gjë që Saudite po bën për të joshur njerëzit. Arabia Saudite po investon gjithashtu (shumë) në futboll. Pas nënshkrimit të Kristiano Ronaldo (Cristiano Ronaldos) vitin e kaluar, klubet e Arabisë Saudite tani mund të mbështeten te Karim Benzema, Marcelo Brozovic dhe Sadio Mané. Nga z. Erton Duka.

© Copyright | Agjencia Telegrafike Vox