FORCA TË REJA POLICORE DO TË VENDOSEN NË TRANSPORTIN PUBLIK TË ATHINËS PËR TË PARANDALUAR KRIMINALITETIN E LARTË.

Athinë, Greqi | Një njësi e re policore është duke u vendosur për të garantuar sigurinë në tranzitin publik të Athinës, duke u fokusuar në autobusë, hekurudhën periferike dhe metro.

Nisma, e cila, nisi si një program pilot në Athinën Perëndimore, përfshin 130 oficerë, me uniformë dhe rroba civile, që patrullojnë zonën.

Programi do të zgjerohet në të gjithë Atikën, duke u përqëndruar në zonat me shkallën më të lartë të aktivitetit kriminal dhe dëmtimit të automjeteve.

“Rezultatet e hershme janë inkurajuese”, tha zëvendësministri i Infrastrukturës dhe Transportit Vassilis Ikonomu (Oikonomou).

“Pasagjerët dhe punëtorët janë përgjigjur pozitivisht, me shumë njerëz që ndihen më të sigurt me praninë e policisë, veçanërisht në zonat me rrezik të lartë”.

Në qendrën e kontrollit të organizatës së transportit rrugor OSY në Petrou Ralli është ngritur një seli qendrore e policisë, duke siguruar reagime të shpejta ndaj incidenteve.

“Kjo do të përmirësojë koordinimin dhe do të reduktojë vonesat”, shtoi z. Ikonomu (Oikonomou).

Prezenca e policisë në transportin publik do të rritet në muajt në vijim.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit