FRANCË: PROKURORI SÉBASTIEN DE LA TOUANNE KËRKOI 7 VJET BURG PËR ISH-PRESIDENTIN SARKOZI NË GJYQIN PËR FONDET LIBIANE TË MARRA NGA ISH-DIKTATORI LIBIAN GADAFI | U KRYEN 10 VJET HETIME PENALE.

Paris, Francë | Dënim i prerë, i drejtë dhe bindës, duke marrë parasysh seriozitetin e fakteve: prokuroria financiare ka kërkuar 7 vjet burg për ish-kreun e shtetit francez Nikolas Sarkozi (Nicolas Sarkozy), i akuzuar se ka hyrë në një pakt korrupsioni me ish-diktatorin libian, Muammar Gaddafi.

“Në fund të një gjyqi 3-mujor dhe hetimeve 10-vjeçare, shfaqet një pamje shumë e errët e një pjese të republikës sonë”, deklaroi në fund të fjalës së tij mbyllëse maratonë, prokurori Sébastien de la Touanne, prokuror në gjyqin për fondet libiane kundër ish-presidentit Sarkozi.

Ish-presidenti tashmë i veshur me byzylyk elektronik pasi u dënua në një proces gjyqësor për korrupsionin e një gjyqtari, dëgjoi me një shprehje të rëndë kërkesat e prokurorisë.

Sipas rindërtimit të prokurorit, kur ishte ministër i Brendshëm në vitin 2005, ish-presidenti Sarkozi dyshohet se u angazhua, me bashkëpunëtorët e tij më të ngushtë, Claude Guéant dhe Brice Hortefeux, në një kërkim të shfrenuar për financim për fushatën e tij presidenciale të vitit 2007.

Që në fillim të procesit, ish-presidenti Sarkozi i ka kundërshtuar akuzat në tërësi dhe, menjëherë pas kërkesave të prokurorisë, ka denoncuar falsitetin dhe dhunën e asaj për të cilën akuzohet.

Më pas ai shtoi se beson në urtësinë e gjykatës, e cila do të shpallë dënimin pas disa muajsh.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit