GAZETA “NYT”: MË SHUMË SE 100 VENDE ME ARMË KIMIKE GJENDEN NË SIRI.

Uashington, Amerikë | Në Siri ka ende mbi 100 vende të lidhura me armët kimike.

Kështu shkruan gazeta amerikane Kohërat e Jorkut të Ri (New York Times), duke cituar vlerësimet e Organizatës për Ndalimin e Armëve Kimike (OPCW).

“Vendet dyshohet se janë përdorur për zhvillimin dhe kërkimin e armëve kimike nën regjimin e udhëheqësit të rrëzuar sirian Bashar Assad”, shkruhet në gazetë.

Disa mund të jenë të fshehura në shpella ose në vende të tjera të vështira për t'u gjetur.

Gazeta tha se arsenalet kimike mund të përfshijnë agjentin nervor sarin, si dhe klorin dhe gazin mustardë.

Siria pranoi të hiqte dorë nga arsenali i saj kimik në vitin 2013 pasi u fajësua për një sulm pranë Damaskut që vrau qindra njerëz.

Megjithatë, ajo besohet se ka mbajtur disa nga armët dhe gjithashtu është akuzuar për përdorimin e tyre përsëri në vitet e mëvonshme.

Izraeli tha se goditi vendet e dyshuara se përmbanin armë kimike dhe raketa me rreze të gjatë veprimi në Siri, duke thënë se e bëri këtë për të parandaluar që armë të tilla të binin në duart e aktorëve armiqësorë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit