___.png)
Athinë, Shqipëri | Katër në pesë shoferë grekë përdorin makinat e tyre për të kryer udhëtime të shkurtra deri në 4 kilometra, ndryshe nga shoferët nga vendet e tjera evropiane që priren të ecin në distanca të tilla, ka zbuluar një sondazh.
“Pasoja më e rëndësishme e dashurisë së veçantë që grekët tregojnë për makinën është përkeqësimi vullnetar i shëndetit të shoferëve, për shkak të përhapjes së një stili jetese të ulur dhe pasivitetit fizik që rezulton”, tha z. Janis Kutedhaqis (Yiannis Koutedakis), profesor emeritus në fiziologjinë e aplikuar, duke komentuar mbi gjetjet e sondazhit.
Ai tha se çdo vit, rreth gjashtë milionë njerëz në mbarë botën vdesin nga shkaqe të lidhura me pasivitetin fizik, si sistemi i dobët muskuloskeletor, sëmundjet kronike (kardiovaskulare, lloje të ndryshme kanceri, sindroma metabolike, etj), si dhe nga rënia e aftësitë e kujtesës ose çrregullimet mendore.
“Përkundrazi, duke zgjedhur të ecin në këmbë në vend që të ngasin katër kilometra - një distancë që korrespondon me afërsisht 5000 hapa ecjeje të butë për 45-50 minuta - njerëzit ndërmarrin pothuajse të gjithë hapat e nevojshëm çdo ditë për të ruajtur, apo edhe për të përmirësuar, fizikun e tyre dhe shëndetit mendor”, shtoi ai.
Z. Kutedhaqis (Koutedakis) vlerësoi se kostoja totale e shëndetit të pasivitetit fizik në Greqi tejkalon 1 miliard euro në vit.
“Mjedisi do të përfitojë gjithashtu nga zgjedhja për të ecur në vend të makinës. Drejtimi i një automjeti mesatar për 4 kilometra prodhon po aq dioksid karboni sa një i rritur që merr frymë për rreth 30 orë, ose rreth 280 kg në vit kur e përdor makinën vetëm për 250 ditë”, tha ai.
Nga z. Erton Duka.
© Copyright | Agjencia Telegrafike Vox
Ne të njohim me botën | www.007vox.com | Burimi yt i informacionit
Comments