___.png)
Athinë, Greqi | Ligjvënësi konservator veteran Konstantinos Tasulas (Tasoulas) u betua si presidenti i ri i Greqisë të enjten, ndërsa qeveria po përballet me zemërimin e vazhdueshëm të publikut për një katastrofë vdekjeprurëse hekurudhore dy vjet më parë.
Juristi 65-vjeçar dhe ish-kryetar i parlamentit do të shërbejë një mandat pesë-vjeçar në një rol kryesisht ceremonial.
Ai pason znj. Katerina Sakellaropoulou, një gjyqtare e lartë në pension dhe gruaja e parë që mbajti atë detyrë.
Një konservator i fortë, zgjedhja e z. Tasulas (Tasoulas) shënon një largim nga tradita e kërkimit të konsensusit ndërpartiak për presidencën.
Qeveria e qendrës së djathtë është ende duke u përballur me pasojat e një përplasjeje hekurudhore të vitit 2023 që vrau 57 persona, e cila, shkaktoi greva dhe protesta masive për mungesën e perceptuar të përgjegjësisë politike.
Në ceremoninë e së enjtes, rojet presidenciale me fustanellë me qeleshe (plisa), kapele të kuqe dhe këmisha të ndezura kaluan ngadalë përpara një memoriali të improvizuar jashtë Parlamentit.
Homazhi, i stolisur me qirinj dhe lule, përmbante emrat e viktimave të skalitur me bojë të kuqe.
Pas zgjedhjes së tij muajin e kaluar, z. Tasulas (Tasoulas) u zotua të promovojë unitetin kombëtar.
“Greqia duhet të rrisë më tej pozitën e saj ndërkombëtare, duke u përpjekur gjithashtu për përparim dhe besim brenda”, tha ai. “Unë besoj se këto synime ndahen gjerësisht”, tha ai.
Pavarësisht mbajtjes së një epërsie në sondazhet e opinionit, kryeministri Qirjakos Micotaqis (Kyriakos Mitsotakis) ka parë rënien e vlerësimeve të miratimit të tij në javët e fundit.
Ai po përgatit një riorganizim të kabinetit në një përpjekje për të rikthyer besimin e publikut, pasi sondazhet tregojnë se qeveria e tij po humbet mbështetjen ndaj partive të ekstremit të djathtë.
Një parti e vogël e krahut të majtë, “Kursi për Lirinë” dhe e djathta ekstreme “Zgjidhja Greke” bojkotuan ceremoninë e betimit të së enjtes në shenjë proteste ndaj trajtimit të katastrofës hekurudhore nga qeveria.
Nga z. Erton Duka.
© Copyright | Agjencia Telegrafike Vox
Ne të njohim me botën | www.007vox.com | Burimi yt i informacionit
Comments