GREQI: SHPËRTHIM NË AMPELOKIPI | PROKURORI KËRKOI ZGJATJEN E MASËS SË PARABURGIMIT PËR NIKOS ROMANOS-in DHE KATËR TË PANDEHURIT E TJERË: AKUZOHEN PËR ORGANIZATË TERRORISTE.

Athinë, Greqi | Prokurori i Gjykatës së Shkallës së Parë kërkon zgjatjen e paraburgimit të përkohshëm të z. Nikos Romanos edhe për gjashtë muaj të tjerë.

Sipas propozimit të prokurorit, 32-vjeçari i pandehur në rastin e shpërthimit në një apartament në Ampelokipi nëntorin e kaluar plotëson kushtet ligjore që ai të qëndrojë në paraburgim për gjashtë muajt e dytë.

Një qëndrim të ngjashëm ka prokurori edhe për katër të pandehurit e mbetur në këtë rast, për të cilët, akuza penale kryesore ka të bëjë me organizatë terroriste.

Vendimi për vazhdimin apo jo të paraburgimit të përkohshëm do të merret në ditët në vijim nga këshilli kompetent gjyqësor.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit