GRUPI UAGNER NDRYSHOI VENDNDODHJEN | ÇFARË DO TË BËJNË TANI MERCENARËT E UAGNERIT.

Nga z. Mauro Indelicato.

Romë, Itali | Ekziston një tjetër dëshmi e pranisë së Grupit Uagner në Bjellorusi.

Pas autokolonave që kanë udhëtuar në M4, autostradës që të çon nga Rusia jugore në veri, dhe arterieve të tjera bashkuese më pas në kufirin me Bjellorusinë, mbërritja e luftëtarëve të kompanisë së z. Prigozhin pohohet tashmë nga një video e publikuar nga Ministria e Mbrojtjes në Minsk.

Në pamje mund të shihni milicët e Grupit Uagner të angazhuar në njësitë stërvitore të mbrojtjes territoriale Bjelloruse.

Aktivitetet stërvitore ishin ndër ato të cilave iu referua vetë presidenti bjellorus, Aleksandër Llukashenko, menjëherë pas marrëveshjeve të ndërmjetësuara me liderin e Grupit Uagner, Jevgeni Prigozhin.

PRANIA E KOMPANISË PRIVATE NË BJELLORUSI.

Ka kaluar pothuajse një muaj nga ajo e shtunë e 24 qershorit 2023, kur, thuajse papritur, z. Prigozhin njoftoi një marshim të bujshëm drejt Moskës.

Një avancim që arriti disa kilometra larg kryeqytetit rus, u ndërpre pas marrëveshjes së ndërmjetësuar me liderin bjellorus. Marrëveshja në fjalë parashikonte ndër të tjera kalimin e luftëtarëve të Grupit Uagner në Bjellorusi.

Ose të paktën ata që nuk donin të zgjidhnin të nënshkruanin kontrata me Ministrinë e Mbrojtjes Ruse, dhe të ktheheshin në luftime në Ukrainë.

Pas ditësh hipotezash dhe spekulimesh, një foto e vetë z. Prigozhin u shfaq brenda një prej kampeve të ngritura në Bjellorusi për të pritur kontraktorët. Një shenjë se si një pjesë e kompanisë ka filluar në të vërtetë të lëvizë drejt territorit bjellorus.

Javën e kaluar, një kolonë e përbërë nga më shumë se 60 automjete u raportua në M4, dhe më pas u kap nga rojet kufitare bjelloruse. Nga Minsk ata konfirmuan ardhjen e luftëtarëve të parë.

Prandaj nuk ka dyshime të tjera për faktin se një pjesë e rëndësishme e grupit të drejtuar nga z. Prigozhin ka zgjedhur të shkojë në Bjellorusi.

Sipas Anton Gerashchenko, këshilltar i Ministrisë së Brendshme të Ukrainës, të paktën dhjetë mijë luftëtarë përfundimisht do të zënë pozicione në kampet ushtarake të ngritura nga qeveria e Lukashenkos.

VEPRIMTARITË E TRAJNIMIT.

Prandaj, pasi kemi pohuar praninë e Grupit Uagner, tani pyesim veten se cili do të jetë roli i kompanisë në Bjellorusi? Kjo do të thotë, nëse kontraktorët do të qëndrojnë për një kohë të gjatë, apo nëse qëndrimi i tyre do të jetë apo jo një qëndrim i përkohshëm?

Duke pritur ndoshta për t'i dhënë një dorë kontingjenteve të kompanisë të pranishme në Afrikë.

Disa ditë më parë, për shembull, grupet “Telegram” pranë luftëtarëve të z. Prigozhin konfirmuan ardhjen e të paktën 100 instruktorëve në Republikën e Afrikës Veriore.

Për momentin, të pranishmit në Bjellorusi do të punojnë për formimin dhe trajnimin e disa njësive territoriale bjelloruse. Siç u përmend, kushti i fundit ishte shpallur tashmë nga Lukashenko dhe ishte paraqitur para ministrave të tij si një element pozitiv për rritjen e ushtrisë së Minskut.

Në videon e publikuar nga Ministria e Mbrojtjes, instruktorët e Grupit Uagner shihen të angazhuar në stërvitjen e ushtarëve bjellorusë. Kontraktorët dallohen qartë nga uniformat moderne, dhe nga shallet e pashmangshme midis vizorit dhe qafës që mbulojnë fytyrën. Nga ana tjetër, njësitë e Minskut veshin uniforma shumë më afër stilit sovjetik.

Në video mund të shihni edhe tendat e famshme që tashmë janë shfaqur në pamje të tjera, dhe në foton që portretizonte z. Prigozhin brenda njërës prej tyre.

Kampi kryesor i stërvitjes thuhet të jetë në Tsel, një qytet i vogël në fshatin bjellorus, afër M5, autostrada që lidh Minskun me rajonet jugore të vendit dhe me qytetin e Gomel.

Në fakt, Grupi Uagner ka vendosur selinë e tij këtu. Për momentin nuk dihet se për sa kohë do të funksionojë.

© Copyright | Agjencia Telegrafike Vox.