HOLLANDË: ALEANCA MIDIS IRANIT DHE MAFIES MOKRO.

Nga z. Emanuel Pietrobon.

Amsterdam, Hollandë | Të mençurit thonë se të kundërtat tërhiqen.

Por nëse në marrëdhëniet njerëzore ndodh sepse nuk komandon zemra, në marrëdhëniet ndërkombëtare ndodh sepse ndonjëherë luani ka nevojë për miun.

Ky i fundit është rasti i ligjit të tërheqjes, i cili, më shpesh se sa mund të mendohet, i shtyn shtetet dhe antishtetet të bashkëpunojnë, të nënshkruajnë aleanca jo të shenjta, në emër të interesave të përbashkëta, dhe të bëhen, jo rrallë, një e tërë e paqartë dhe e padallueshme.

Historia është plot me shembuj të historive të pabesueshme të dashurisë mes të kundërtave më të papajtueshme që ekzistojnë, institucioneve dhe organizatave kriminale, të cilat, e bëjnë Italinë, ku debati mbi negociatat e pretenduara shtet-mafia është veçanërisht i ndezur, më shumë një rregull, sesa një përjashtim.

Ky është rasti i Shteteve të Bashkuara dhe Koza Nostras (Cosa Nostra) amerikane kundër Kubës në vitet 1960.

Ky është rasti i trekëndëshit Turqi-Ujqër Gri-Mafia Turke gjatë Luftës së Ftohtë.

Dhe ky është rasti i Kinës dhe karteleve meksikane të drogës, kundër Shteteve të Bashkuara, në epideminë e opioideve.

Shtetet përdorin anti-shtete sepse mund të kryejnë operacione spiunazhi, të kryejnë vrasje, të bëjnë sabotim, të ndërhyjnë në proceset zgjedhore.

Marrëveshja e tyre mund të zgjasë kohën e një krimi, ose mund të strukturohet brenda një strategjie tensioni, ose një lufte hibride.

Shumë, nëse jo gjithçka, varet nga niveli i amoralitetit të shtetit, efikasiteti i antishtetit, dhe çfarë është në lojë.

Amoraliteti total i shtetit, dhe efikasiteti i lartë i antishtetit, duket se janë arsyet e Paktit të Gjakut, që sipas shërbimeve sekrete holandeze, Irani dhe Mafia Mokro kanë nënshkruar.

Objektivi: gjueti e pakufizuar për kundërshtarët e Revolucionit.

Gjak përgjatë aksit Amsterdam-Teheran.

Drejtimi i z. Ridouan Taghi, mbretit të mafies marokene, ose Mokro Mafia, duket se ka përfunduar.

Ai u arrestua në Dubai më 16 dhjetor 2019, dhe aktualisht ndodhet në burgun Vught, ku është nën vëzhgim të vazhdueshëm, për të parandaluar komunikimet me botën e jashtme, dhe arratisjet e mundshme.

Z. Taghi është pas hekurave, i akuzuar si nxitës, ose autor, i një sërë krimesh, në atë që është versioni holandez i gjyqit të Palermo Maxi, i ashtuquajturi Gjyqi Marengo, por saga Mokro Mafia nuk ka përfunduar ende: brezi i parë i mafiozëve maroken vazhdojnë të veprojnë pavarësisht kapjes së z. Taghi, dhe një gjeneratë e dytë, më likuide nga pikëpamja organizative, dhe më e prirur për të krijuar kartele multietnike, po bën rrugën e saj, ndërkohë që anëtarët e njërit të mëparshëm plaken, arrestohen ose bien nën goditjet e armëve.

Z. Taghi ka rënë, por mafia marokene është ende në këmbë.

Dhe duket se ajo do të mbetet e tillë për një kohë të gjatë: ajo ka akses të privilegjuar në kultivimet e pakufishme të kanabisit të Rif-it, ka lidhje gjaku me klanet e Magrebit që veprojnë në Spanjë, dhe me narkobanditët francezë, ajo ka vendosur një këmbë në Amerikën Latine, dhe duket se ka bërë miq të fuqishëm.

Duket se ka bërë miqësi me Iranin.

SPIUNË, TRAFIKANTË DHE LUFTËRA HIBRIDE.

Nuk është vetëm për mbrojtjen që Emiratet e Bashkuara Arabe u ofrojnë kriminelëve të mëdhenj që z. Taghi do të kishte zgjedhur Dubain si strehë.

Sipas Shërbimit të Sigurisë dhe Inteligjencës së Përgjithshme, 007 e Holandës, z. Taghi u strehua atje me sugjerimin e Iranit, klientit të tij të supozuar, duke bërë udhëtime të ndryshme pune me jahte.

Z. Taghi ishte një agjent i Teheranit, ose më mirë: një ofrues i shërbimeve, veçanërisht vrasjeve me pagesë.

Një përfundim që holandezët 007 arritën pothuajse rastësisht, në vitin 2019, duke zbuluar të vërtetën pas një vrasjeje Mokro Mafia të katër viteve më parë, e cila, deri atëherë kishte mbetur e pazbardhur.

Z. Ali Motamed, një elektricist i vrarë nga dy vrasës me pagesë më 15 dhjetor 2015, nuk ishte vrarë gabimisht, për shkak të identitetit të gabuar, por, sepse emri i tij i vërtetë ishte Mohammad Reza Kolahi Samadi.

HOLLANDA NJË NARKO-SHTET NË ZEMËR TË EUROPËS.

Mafia marokene e kishte goditur z.Ali Motamed duke e ditur se kush ishte në të vërtetë: një anëtar drejtues i Muxhahedinëve të Popullit iranian, i cili, ishte arratisur nga Teherani, duke kërkuar dhe marrë azil në Amsterdam me një emër të rremë, për t'i shpëtuar një dënimi të caktuar me vdekje.

Z. Kolahi, në fakt, ishte akuzuar se kishte marrë pjesë në sulmin në selinë e Partisë Republikane Islamike më 26 qershor 1981, një nga më të rëndat në historinë e Iranit të Khomeinit, duke shkaktuar shtatëdhjetë e katër vdekje.

Pasi goditja e parë ishte e suksesshme, sipas asaj që u rindërtua nga 007 holandeze në retrospektivë, Teherani do t'i kishte besuar vrasësve të mafias Mokro një detyrë të re: kërkimin dhe neutralizimin e një të arratisuri tjetër, z. Ahmad Mola Nissi, këtë herë që i përkiste separatistëve të Lëvizjes Luftuese Arabe për çlirimin e Auazit (Ahwazit).

Vrasësit e Mokro Mafias do të kishin arritur gjithashtu të kryenin me sukses misionin e dytë, duke e gjurmuar dhe vrarë në Hagë, më 8 nëntor 2017.

Një vit pas vrasjes së z. Nissi, pas shfaqjes së lidhjeve të para midis inteligjencës mafioze marokene dhe Teheranit, qeveria holandeze vendosi të dëbojë disa diplomatë nga ambasada iraniane në Amsterdam. MAFIA MAROKEN: PËRMBLEDHJE.

Mokro Mafia, që fjalë për fjalë do të thotë Mafia Marokene, është termi me të cilin gazetaria dhe hetuesit në Holandë i referohen grupit të organizatave kriminale, të cilat, duke vepruar në mjedisin kriminal kombëtar holandez, përbëhen kryesisht nga qytetarë me origjinë marokene ose afrikano-veriore.

Origjina e Mafies Mokro daton në vitet 1980, me hyrjen në skenën kriminale holandeze të anëtarëve të parë të diasporës marokene në rritje në Holandë, por, kërcimi në cilësi, ndodhi me ngritjen e z. Ridouan Taghi, një student i shkëlqyer universiteti, i punësuar në trafikun e drogës, etja e të cilit për pushtet, do ta çojë atë nga periferitë e Utrehtit, në portet e Amsterdamit, dhe Roterdamit, në fillim të viteve 1910.

Vdekje pas vdekjes, duke filluar nga vrasja e sovranit të krimit të Amsterdamit, antillean Gwenette Martha, z. Taghi ndërtoi një narko-perandori transnacionale, me degëzime në Belgjikë, Francë dhe Spanjë, duke gjetur në dy mafia italiane, te Ndrangheta dhe te Kamorra pika të referencës, modele për t'u imituar, dhe aleatë ku duhet të mbështetej për të kryer vrasje, për të blerë dërgesa kokaine nga Amerika e Jugut, dhe për të pastruar para të pista.

MAFIA MOCRO PUSHTON EUROPËN

Z. Taghi përsëriti kodin e sjelljes dhe strukturën organizative të kolegëve të tij italianë, duke e bërë Mafien Mokro një organizatë të fragmentuar, gjysmë-horizontale, të karakterizuar nga lidhje familjare, e konsideruar si një pengesë kundër pendimit.

Elemente që duke iu shtuar përdorimit sistematik të dhunës, e lejuan atë të bëhej shpejt protagoniste në skenën kriminale holandeze.

Z. Taghi nuk është as themeluesi dhe as shefi i bosëve të mafies marokene: Klanet marokeno-holandeze kanë ekzistuar para tij, klanet maroke-holandeze vazhdojnë të veprojnë të pavarur nga familja e tij.

Z. Taghi është ai që lejoi bashkatdhetarët e tij të bënin kapërcimin në cilësi, nga kriminelët e vegjël, te trafikantët e respektuar të drogës, dhe që e shndërroi bandën e tij, në një familje mafioze të stilit italian, duke përfshirë disa banda, dhe duke i dhënë formë të tjerave, duke përfunduar me tërheqjen e vëmendjes së shërbimeve sekrete iraniane.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit