___.png)
Uashington, Amerikë | Miliardieri Illn Mask (Elon Musk) tha se ai beson se sulmi kibernetik kundër rjetit social virtual Iks (X) erdhi nga një seri adresash IP në zonën e Ukrainës.
“Ne nuk jemi të sigurt se çfarë ndodhi saktësisht, por sulmi erdhi nga adresat IP në zonën e Ukrainës”, sulmoi pronari i platformës në një intervistë me Faks Biznis (Fox Business).
Një sulm masiv kibernetik kundër rrjetit social virtual Iks (X) shkaktoi ndërprerje të përsëritura në platformën në mbarë botën.
Ka qenë vetë z. Mask (Musk) ai që ka dhënë një shpjegim për mosfunksionimin e raportuar nga përdoruesit në këto orë, të cilët, nuk kanë mundur të hyjnë në rrjetin social as nga aplikacioni, as nga kompjuteri.
Sipas entit mediatik Njuzuik (Newsweek), sulmi u krye nga grupi Dark Storm Team i formuar në vitin 2023, me fokus në Palestinë.
“Ka pasur dhe ka një sulm masiv kibernetik kundër Iksit (X). Ne sulmohemi çdo ditë, por kjo është bërë me shumë burime. Është i përfshirë ose një grup i madh ose një vend. Ne jemi duke monitoruar”, shkruante në profilin e tij z. Mask (Musk), pronar i Iksit (X) që nga viti 2022, i cili, që kur ka qenë Dozh i administratës Tramp (Trump) po përjeton reagime të kundërta edhe në Tesla.
Ndërprerja e parë e ish-Twitter-it ndodhi rreth orës 10:30 me orën italiane dhe zgjati rreth një orë me platformën e paarritshme si nga aplikacioni ashtu edhe nga kompjuterët, në një mënyrë si leopardi, në të gjithë botën.
Më pas situata u rivendos por pati një tjetër përçarje rreth orës 13:30 me orën italiane.
Që atëherë, Iksi (X) ka filluar një fazë “lart-poshtë” me kulmin e mosfunksionimit në orën 15:00 dhe 18:00.
Sipas Newsweek, grupi Dark Storm Team, i njohur për sulmet e tij të sofistikuara të luftës kibernetike dhe sulmet e hakerëve ndaj sistemeve të sigurisë së lartë, mori përgjegjësinë për një sulm DDoS në platformë, duke bllokuar në thelb aksesin në të.
Sipas Orange Cyberdefense - shkruan enti mediatik - grupi u formua në vitin 2023 dhe ka një fokus pro-palestinez.
Muajin e kaluar, ai premtoi në një postim në blog të lëshojë një valë sulmesh kibernetike në faqet e internetit të qeverisë së vendeve të NATO-s, Izraelit dhe kombeve që mbështesin Izraelin.
Edhe ditët e fundit, disa përdorues në mbarë botën kishin hasur në disa keqfunksionime në Iks (X), i fundit i datës 5 mars 2025, i cili, e kishte shkëputur rrjetin social për mbi 30 minuta.
Ndërkohë në platformë është shfaqur hashtag-u #XDown, një shuplakë për z. Mask (Musk), i cili, është mburrur gjithmonë me qëndrueshmërinë e rrjetit social virtual, i cili, është kthyer në një lloj strehimi kur platformat e tjera si “WhatsApp” dhe ato të grupit “Meta” kanë përjetuar ndërprerje.
Nga z. Erton Duka.
© Copyright | Agjencia Telegrafike Vox
Ne të njohim me botën | www.007vox.com | Burimi yt i informacionit
Commentaires