INSTAGRAM TESTON BUTONIN “MOS PËLQIM” | NË KOMENTE + POSTIME + RROTULLIME.

Logoja e Instagramit.

Uashington, Amerikë | Instagram po teston një buton të ri Dislike, si në komentet e postimeve ashtu edhe në Reels (të cilat janë video të shkurtra).

Konfirmimi erdhi nga kreu i platformës Adam Mosseri, pasi disa përdorues kishin vënë re komandën e re në fazën e testimit.

“Disa prej jush mund të kenë parë se ne po testojmë një buton të ri në komentet në Instagram, i cili u jep njerëzve një mënyrë private për të sinjalizuar se nuk u pëlqen një koment i veçantë”, shkroi z. Mosseri në një postim në Threads.

“Dua të jem i qartë: ky është një test, askush nuk do ta dijë nëse klikoni butonin. Shpresojmë se kjo do të ndihmojë që komentet të bëhen më miqësore në Instagram”, shtoi ai.

Një zëdhënës i kompanisë “Meta” më vonë i tha faqes së industrisë TechCrunch se qëllimi kryesor i butonit “Mos pëlqim” është të përmirësojë cilësinë e seksionit të komenteve.

Ky është aktualisht vetëm një test, specifikohet, butoni është i disponueshëm vetëm për një grup shumë të vogël njerëzish.

Komentet me më shumë mospëlqime do të zhvendosen në fund të faqes, sipas qëllimeve të platformës.

Funksioni “downvote” ekziston tashmë në blogun Reddit dhe në YouTube.

Instagrami ka bërë ndryshime muajt e fundit, gjithashtu për të larguar përdoruesit nga TikTok, i cili, ndodhet në “shkëmbinj” në Shtetet e Bashkuara.

Platforma njoftoi se po punon në një aplikacion për redaktimin e videove të ngjashëm me aplikacionin motër të TikTok, CapCut.

Dhe zgjeroi gjatësinë e Reels në tre minuta, gjithashtu duke ndjekur shembullin e aplikacionit kinez.

“Është një funksion i huazuar nga platforma si Reddit, ku komentet janë të rëndësishme, sepse përdoruesit shpesh kërkojnë ndihmë dhe informacione specifike. Atje shërben për të parandaluar shfaqjen e komenteve të padobishme”, shpjegon Viçenco Kosenxa (Vincenzo Cosenza), një ekspert i mediave sociale.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit