INTELIGJENCA ARTIFICIALE PO PËRDORET PËR KRIJIM PAMJESH SEKSUALE TË FËMIJËVE | ALARM NË AMERIKË.

Uashington, Amerikë | Ekspertët e sigurisë së fëmijëve po përballen me përhapjen e “pamjeve seksuale të fëmijëve të krijuara nga inteligjenca artificiale”, në rrjetin e errët, dhe migrimin e tyre në platformat e mediave sociale, e thënë kjo sipas gazetës amerikane Shtypi i Uashingtonit (The Washington Post). Këto pamje shumë realiste, të cilat përbëjnë një kërcënim serioz për përpjekjet për mbrojtjen e fëmijëve, mund të normalizojnë shfrytëzimin seksual të fëmijëve, të rrezikojnë më shumë fëmijë, dhe të pengojnë zbatimin e ligjit në identifikimin e viktimave aktuale. Shfaqja e një përmbajtjeje të tillë shqetësuese të krijuar nga inteligjenca artificiale gjithashtu ngre shqetësime për riviktimizimin e individëve, imazhet e të cilëve të abuzimit në të kaluarën janë përdorur për të trajnuar këto modele të inteligjencës artificiale. Përpjekjet për të luftuar këtë çështje janë duke u zhvilluar, por nevojiten zgjidhje më inovative ndërsa problemi përshkallëzohet. Nga z. Erton Duka © Copyright | Agjencia Telegrafike Vox