INTELIGJENCA ARTIFICIALE ZHVESH NUDO VAJZAT ADOLESHENTE TË SPANJËS.

Madrid, Spanjë | Vajzat adoleshente në Spanjë po përballen me një tendencë shqetësuese, pasi imazhet e tyre nudo të krijuara nga Inteligjenca Artificiale (AI) qarkullojnë në mediat sociale. Të paktën 20 vajza nga Almendralejo e kanë raportuar këtë çështje. Nënat u ndërgjegjësuan për problemin përmes një grupi WhatsApp, dhe më pas depozituan ankesa në policinë lokale. Prokuroria e të Miturve po heton, dhe ka identifikuar autorët e mundshëm. Fotoja e njërës prej vajzave kishte logon e aplikacionit ClothOff me Inteligjencë Artificiale (AI). Faqja e internetit e kompanisë thotë, “zhvish këdo me shërbimin tonë falas”. Kodi Penal i Spanjës e konsideron shpërndarjen e materialeve pornografike për fëmijë, duke përfshirë imazhe të krijuara nga Inteligjenca Artificiale (AI), një vepër të rëndë të dënueshme deri në nëntë vjet burg. Aplikacioni ClothOff, i fuqizuar nga Inteligjenca Artificiale (AI), mohon përgjegjësinë për përdorimin e tij nga palë të treta. Nga z. Erton Duka. © Copyright | Agjencia Telegrafike Vox