ITALI: AKSIDENT RRUGOR NË KATANIA: 1 GRUA E VDEKUR + 8 VETA TË PLAGOSUR | U PËRMBYS MIKROBUZI.

Katania, Itali | Aksidenti tragjik ndodhi në A18 midis Katanias dhe Mesinës.

Viktima dhe personat e tjerë në bord, të gjithë me origjinë marokene, u nisën për në Kalabri. Një viktimë dhe tetë persona të tjerë të plagosur.

Ky është përfundimi dramatik i aksidentit të tmerrshëm rrugor që ndodhi pak pas mesnatës së sotme, të dielën 20 prill 2025, në autostradën A18 Katania-Messina.

Një furgon me nëntë marokenë u përmbys në km 56, midis Giarre dhe Fiumefreddo.

Më e goditura ishte një grua 70-vjeçare, e cila, humbi jetën nga përplasja, ndërsa tetë personat e tjerë në bord u plagosën, disa prej tyre në gjendje të rëndë.

Në vendngjarje kanë ndërhyrë forcat zjarrfikëse, disa autoambulanca dhe shpëtimi ajror.

Të plagosurit u transportuan në spitalet e Katanias, Açreales (Acireale) dhe Taormina. Autostrada u mbyll për orë të tëra, me daljen e detyrueshme në Giarre.

Policia rrugore ka nisur hetimet për të rindërtuar dinamikën e saktë të ngjarjes. Nuk përjashtohet mundësia që drejtuesi të ketë qenë i përgjumur në momentin e aksidentit.

Sipas informacioneve fillestare, furgoni ishte nisur drejt terminalit të trageteve në Messina me synimin për të vazhduar rrugën drejt Vibo Valentia, në Kalabri.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit