ITALI: HISTORI DASHURIE E PËRFUNDUAR NË TRAGJEDI | SARA KAMPANELA (CAMPANELLA) U VRA ME THIKË NGA BASHKËJETUESI; AJO ISHTE STUDENTE NË FAKULTETIN E SHKENCAVE TË INFERMIERISË NË MESINA.

Mesinë, bari, Itali | Znjsh. Sara Kampanela (Campanella), një studente universiteti 22-vjeçare, u vra me një plagë me thikë në qafë (që i preu venën e qafës) në rrugë, në Messina të Italisë, përballë hyrjes anësore të stadiumit Xhovani Çeleste (Giovanni Celeste), me siguri nga një bashkëmoshatar me të cilën kishte pasur lidhje sentimentale.

Znjsh. Sara menjëherë u ngarkua në ambulancë dhe u dërgua në spital, por mjekët nuk mundën të bënin asgjë pasi vajza kishte humbur shumë gjak.

Në rrugët e Mesinës ka nisur një gjueti masive: Karabinierët janë në fakt në kërkim të të riut me të cilin, sipas historive të njerëzve që e njihnin, viktima kishte një marrëdhënie sentimentale që megjithatë kishte vendosur t'i jepte fund.

Karabinierët (Ushtria) njoftoi familjen e viktimës, me origjinë nga provinca e Palermos.

Hetuesit kanë ekzaminuar pamjet nga kamerat në zonë dhe ato nga spitali, në përpjekje për të rindërtuar atë që ndodhi.

Është kontrolluar edhe celulari i viktimës, me shpresën për gjetjen e elementeve të dobishme që mund të çojnë te vrasësi.

Znjsh. Sara Kampanela (Campenalla), me origjinë nga Misilmeri, ndiqte vitin e tretë të Fakultetit të Teknikave Laboratorike Biomjekësore në Universitetin e Mesinës dhe për këtë arsye ishte edhe praktikante pikërisht në spitalin ku u dërgua në fund të jetës.

Pas lajmit të vrasjes, shumë studentë dhe kolegë të viktimës shkuan të dëshpëruar në urgjencë.

Sipas një rindërtimi fillestar, znjsh. Kampanela (Campanella) u largua nga spitali në fund të praktikës së saj ditore dhe eci përgjatë Rrugës Gaxi (Viale Gazzi) për të arritur në stacionin e autobusit.

Vrasësi dyshohet se e ka ndjekur me një makinë, ka ndaluar dhe ka zbritur. Pasi arriti tek ajo, dyshohet se e goditi me thikë në trotuar.

Një kalimtar i rastit, i cili, ishte dëshmitar i skenës, i tërhequr edhe nga britmat e të resë, tentoi të ndiqte vrasësin, i cili, megjithatë arriti të shpëtonte.

Vajza thuhet se bëri disa hapa përpara se të rrëzohej përtokë pranë një shtrati lulesh, në një pellg gjaku.

Karabinierët kanë mbyllur zonën e vrasjes për të kryer hetimet penale.

Unë jam pa fjalë - tha kryetari i bashkisë së Mesinës (Messina), Federiko (Federico) Basile, sipas të cilit, qyteti u trondit nga një tragjedi e pamasë.

Një jetë e re u ndërpre brutalisht. Dhuna e këtij gjesti na lë të pabesueshëm dhe të trishtuar thellësisht.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit