ITALI: TË SHTËNA ME ARMË ZJARRI NDAJ AUTOMJETIT TË NËNËS SË ZV/PROKURORIT TË FOXHIAS (FOGGIA) ROBERTO GALI (GALLI).

Manfedonia, Foxhia, Itali | Mbrëmë pati disa të shtëna ndaj makinës së nënës së zv/prokurorit të Foxhias (Foggia), Roberto Gali (Galli).

Makina ndodhej në Manfredonia, një komunë rreth 30 kilometra larg kryeqytetit Daunia, ku jeton magjistrati.

Askush nuk u lëndua.

Karabinierët kanë ndërhyrë dhe po hetojnë ngjarjen.

Prokurori Gali po merret me disa nga hetimet më të rëndësishme në lidhje me krimin në provincën e Foxhias (Foggia).

Hetuesit po shqyrtojnë gjithashtu pamjet nga kamerat e vëzhgimit me video në zonë.

Komiteti Ekzekutiv i Barit shprehu në një deklaratë zhgënjimin dhe shqetësimin për aktin shumë të rëndë të frikësimit të kryer ndaj kolegut Roberto Gali, zëvendësprokuror i Foxhias (Foggia).

Shoqata antimafia Xhovani Panuncio (Giovanni Panunzio) - i vrarë nga mafia më 6 nëntor 1992 - shprehu gjithashtu solidaritetin e saj më të vendosur dhe të pakushtëzuar me prokurorin Roberto Gali.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit