ITALI: U ARRESTUA BESMIR TOJA I DËNUAR ME 23 VJET BURG PËR VRASJEN E QYTETARES RUMUNE MIHAITA RADU | KRIMI DYSHOHET SE NDODHI PËR ÇËSHTJE DROGE.

Lido Tre Arçi (Archi), Fermo, Itali | E gjetën në Lido Tre Arçi (Archi), ku ishte kthyer prej disa kohësh.

Z. Besmir Toja, me moshë 36 vjeç, qytetar shqiptar, ishte dënuar me gati 23 vite burg për vrasje me dashje.

Në muajin qershor dy vjet më parë, Gjykata e Assizes e Maçeratës (Macerata) e shpalli atë fajtor për vrasjen e znj. Mihaita Radu, me moshë 31 vjeçe, me origjinë rumune, e gjetur e vdekur në fshatin Porto Sant’Elpidio.

Ai u kap nga Karabinierët e Bërthamës Investigative, njësia operative e Fermos, të ndihmuar nga kolegët e tyre nga stacioni i Porto Sant’Elpidio.

Ai ishte i njohur nga organet e zbatimit të ligjit për krime pronësie dhe trafik droge. Ai dyshohet se vrau viktimën për konflikte të pazgjidhura për trafik droge.

Znj. Mihaita Radu, në agimin e 17 shkurtit të vitit 2020, u gjet e pajetë midis Peskolës (Pescolla) dhe kryqëzimit Pian di Torre, pas një raportimi nga një banor.

Në trupin e saj kishte rreth tridhjetë plagë nga një armë prerëse, prerje që e kishin goditur në shpinë.

Hetimet e kryera nga Karabinierët kanë shqyrtuar jetën dhe kontaktet e të resë rumune, kanë shfrytëzuar teste shkencore, aktivitete monitoruese, kanë ekzaminuar sistemet e vëzhgimit me video në një rreze prej disa kilometrash, të gjitha regjistrimet e trafikut telefonik dhe qelizat e lidhura me celularët atë natë.

Një mozaik kompleks që ka sjellë në qendër të vëmendjes z. Besmir Toja.

Ai ishte i fundit që u pa atë natë në shoqërinë e viktimës, në një makinë me ngjyrë të errët, në pronësi të partneres të të dyshuarit.

Disa ditë pas krimit, ai u zhduk dhe doli jashtë shtetit. Një bashkëpunim i frytshëm me autoritetet shqiptare, nëpërmjet shërbimit të bashkëpunimit policor ndërkombëtar, i mundësoi të vendosej në Shqipëri, më pas sërish në Fermo, ku ai u kthye për arsye shëndetësore dhe të ishte më pranë fëmijëve të tij që mbetën në Itali.

Nga hetimet janë analizuar aspekte të ndryshme, duke filluar nga vendi i krimit.

Gjurmët modeste të gjakut në vendin ku u gjet kufoma çuan në hipotezën se vrasja kishte ndodhur në një vend tjetër dhe se trupi tashmë i pajetë i znj. Radu ishte braktisur më pas në një zonë periferike.

Në trup nuk kishte shenja përleshjeje, aspekt që sugjeronte një krim të kryer duke e befasuar viktimën, pa i dhënë asaj kohën dhe mjetet për t’u mbrojtur.

Qelizat telefonike të të pandehurit, në orët para gjetjes së trupit, konfirmuan praninë e tij në zona afër vendit ku u gjet 31-vjeçari rumun.

Kështu, provat e grumbulluara ndaj 36-vjeçarit çuan, në muajin qershor të vitit 2023, në dënimin e tij për vrasje.

Ai tashmë gjendet në burgun e Fermos.

Viktima la pas një djalë, i cili iu bashkua nënës së tij si palë civile në gjyq, në momentin e vrasjes punonte si punëtor.

Ajo kishte precedentë penalë në të kaluarën dhe ishte caktuar në punë në shërbim të komunitetit që e kishin afruar më shumë me vullnetarizmin, ku vazhdoi të shërbente.

Komanda Krahinore e Armës së Karabinierëve thekson rezultatin e rëndësishëm të arritur në angazhimin e përditshëm kundër krimit dhe në mbrojtjen e sigurisë së qytetarëve.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit