IZRAEL: QINDRA REZERVISTË KËRKOJNË NDËRPRERJEN E SHËRBIMIT USHTARAK NË NJË LETËR QË NUK ËSHTË BËRË ENDE PUBLIKE.

Jeruzalem, Izrael | Qindra rezervistë dhe veteranë të Forcave Ajrore izraelite kanë nënshkruar një letër që synojnë ta bëjnë publike duke bërë thirrje që shërbimi të ndërpritet.

Letra u shkrua pas rifillimit të luftimeve në Gaza.

Kështu raporton transmetuesi televiziv “Channel 12”.

Në letër ata sqarojnë se sipas tyre vendimi për vazhdimin e luftës është i motivuar nga arsye politike; nga ecuria e reformës në drejtësi të qeverisë, shkarkimi i kreut të Shin Bet-it, Ronen Bar dhe tentativa për të shkarkuar prokurorin e Përgjithshëm Gali Baharav-Miara.

Shefi i Forcave Ajrore Tomer Bar u takua me rezervistët dhe veteranët dhe letra nuk është botuar ende, ndërsa Ushtria e Izraelit (IDF) nuk ka komentuar ende.

Gjatë shtytjes së parë të qeverisë për shqyrtim gjyqësor, i cili, u pezullua më 7 tetor të vitit 2023, qindra rezervistë, përfshirë dhjetëra pilotë, refuzuan të shërbenin në shenjë proteste, duke thënë se reforma gjyqësore minoi demokracinë në Izrael dhe hodhi një hije mbi legjitimitetin e urdhrave të dhëna ushtrisë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit