KANË FILLUAR PUNIMET PËR NDËRTIMIN E RRUGËS “SINJË–MBJESHOVË–HESKAJ–CFIR” E CILA DO TË LIDHË BERATIN ME MALLAKASTRËN.

Berat, Shqipëri | Kanë filluar punimet për ndërtimin e rrugës “Sinjë–Mbjeshovë–Heskaj–Cfir”, e cila, do të lidhë Beratin me Mallakastrën.

Kjo rrugë shkon deri në fshatin Aranitas të Mallakastrës dhe financohet nga Fondi Shqiptar i Zhvillimit nën programin “Rrugë të bardha”.

Ky segmet rrugor, punimet për ndërtimin e të cilit sapo kanë filluar, është 18.6 kilometra i gjatë dhe 5 metra i gjerë.

Investimi pritet që t'i japë më shumë zhvillim zonës dhe të përmirësojë gjurmët ekzistuese të rrugës.

Ky investim i Fondit Shqiptar të Zhvillimit përmirëson infrastrukturën dhe rrit sigurinë rrugore.

Gjithashtu, përgjatë këtij segmenti rrugor do të ndërtohen edhe vepra arti, si mure, tumbino dhe sinjalistika e nevojshme.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit