KOMPANIA ITALIANE E TEKNOLOGJISË WSENSE KA PREZANTUAR SISTEMIN E PARË WI-FI NËNUJOR NË BOTË.

Romë, Itali | Kompania italiane e teknologjisë WSense ka prezantuar sistemin e parë Wi-Fi nënujor në botë, duke përdorur valë akustike, për të transmetuar të dhëna nga sensorët e zhytur në ujë në kohë reale.

Me një gamë operacionale që arrin në thellësi deri në 3000 metra, teknologjia premton monitorimin e ndryshimeve klimatike, gjurmimin e burimeve, reagimin ndaj emergjencave, dhe studimin e jetës detare.

WSense synon të avancojë teknologjinë e saj për të monitoruar të gjithë oqeanin, duke përfshirë llogoret e tij më të thella, duke kontribuar në ruajtjen e mjedisit global, dhe përpjekjet e reagimit ndaj emergjencave.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit