KONFIRMOHET NGJYRA QË DO TË PËRDORI APPLE PËR MESAZHET RCS.

Kaliforni, Amerikë | Apple së fundmi konfirmoi planet e saj për të mundësuar mbështetjen RCS për iPhone gjatë vitit 2024.

RCS (Rich Communication Services) do të zbatojë një sërë veçorish të stilit iMessage, për shkëmbimin e mesazheve me tekst midis përdoruesve të Android dhe iPhone.

Këto përfshijnë njoftimet e leximit të mesazheve, treguesit e shkrimit, dhe fotot e videot me cilësi më të lartë.

Një nga gjërat që nuk do të ndryshojë është ngjyra e flluskave të të folurit, në të cilat, janë shkruar mesazhet.

Apple konfirmoi për 9to5mac se flluskat blu do të vazhdojnë të përdoren për të shënuar mesazhet e iMessage, ndërsa ato jeshile, do të përfaqësojnë mesazhet RCS.

Flluskat jeshile kundër atyre blu janë bërë një debat i vërtetë kulturor vitet e fundit. Google dhe Samsung theksuan ngjyrat e flluskës në fushatat e tyre, duke kritikuar Apple për mos mbështetjen e RCS.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit