___.png)
Uashington, Amerikë | Koreja e Veriut lëshoi një raketë balistike ndërkontinentale (ICBM) drejt Detit të Japonisë.
Kështu njoftoi Ministria Japoneze e Mbrojtjes, sipas së cilës trajektorja e ndjekur nga raketa bëri nisjen balistike me kohën më të gjatë të fluturimit të kryer ndonjëherë nga Koreja e Veriut.
Sipas informacionit të dhënë nga Tokio, raketa u lëshua në drejtim të veri-lindjes nga një zonë afër Phenianit rreth orës 7:11 të mëngjesit në Japoni (23:11 në Shqipëri) dhe u fundos në orën 8:37 jashtë zonës ekskluzive ekonomike të Japonisë, në perëndim të ishullit Okushiri, pa shkaktuar dëme në avionë dhe anije.
Nisja ishte parashikuar nga inteligjenca e Koresë së Jugut, e cila kishte raportuar tashmë përgatitjet nga Pheniani.
Raketa, e cila regjistroi një kohë fluturimi prej 86 minutash dhe përshkoi një distancë prej rreth një mijë kilometrash me një lartësi rekord prej mbi 7000 km, mund të jetë një lloj i ri ICBM-je i zhvilluar nga Koreja e Veriut, tha ministri japonez i Mbrojtjes.
“Zhvillimi i raketave dhe armëve bërthamore të Koresë së Veriut kërcënon paqen dhe sigurinë e kombit tonë dhe komunitetit ndërkombëtar, dhe për këtë arsye është plotësisht i papranueshëm”, tha ministri, duke shtuar se Japonia do të mbledhë informacione duke bashkëpunuar ngushtë me Shtetet e Bashkuara dhe Korenë e Jugut.
Qeveria japoneze iu përgjigj lëshimit të raketës duke thirrur një mbledhje të Këshillit të Sigurisë Kombëtare.
Agjencia zyrtare e lajmeve e Koresë së Veriut, “Korean Central News Agency” (KCNA), konfirmoi më pas lëshimin e raketës të kryer nga vendi aziatik mëngjesin e sotëm, duke raportuar deklaratat e diktatorit të vendit, Kim Jong-un, të cilën, ai personalisht e dëshmoi nisje.
“Unë pohoj se Republika Popullore Demokratike e Koresë nuk do ta ndryshojë kurrë politikën e saj të forcimit të forcave të saj bërthamore”, tha diktatori Kim sipas një shënimi nga Ministria e Mbrojtjes e Koresë së Veriut të rilansuar nga agjencia e lajmeve “KCNA”.
Diktatori Kim e përshkroi nisjen si një "veprim të duhur ushtarak" që shpreh vendosmërinë e Phenianit për t'iu përgjigjur provokimeve nga kundërshtarët e tij dhe për të mbrojtur sigurinë e tij.
Qeveria amerikane ka dënuar fuqishëm lëshimin e një rakete balistike ndërkontinentale (ICBM) nga Koreja e Veriut më pak se një javë përpara zgjedhjeve presidenciale në SHBA të planifikuara për 5 nëntor 2024.
Në një deklaratë, Shtëpia e Bardhë tha se lëshimi i raketës nuk përbënte kërcënim të menjëhershëm për Shtetet e Bashkuara ose aleatët e saj, por se megjithatë përbën një shkelje flagrante të rezolutave të shumta të Kombeve të Bashkuara, dhe irriton në mënyrë të panevojshme tensionet dhe rrezikon destabilizimin e situatës së sigurisë në rajonin.
Shtëpia e Bardhë shtoi se Shtetet e Bashkuara do të marrin të gjitha masat e nevojshme për të garantuar sigurinë e vendit, si dhe atë të Japonisë dhe Koresë së Jugut.
Lëshimi i raketës u dënua ashpër edhe nga Japonia. Zëdhënësi i qeverisë japoneze, Yoshimasa Hayashi e denoncoi si një akt i egër që rrit tensionet me të gjithë komunitetin global.
Nga z. Erton Duka.
© Copyright | Agjencia Telegrafike Vox
Ne të njohim me botën | www.007vox.com | Burimi yt i informacionit
Kommentare