KRISTI KOVENTRI (KIRSTY COVENTRY) ËSHTË PRESIDENTJA E RE E KOMITETIT OLIMPIK NDËRKOMBËTAR | KAMPIONE OLIMPIKE DHE MINISTRE E SPORTIT NË ZIMBABVE.

Athinë, Greqi | Znj. Kristi Koventri (Kirsty Coventry) është presidentja e re e Komitetit Olimpik Ndërkombëtar.

Një qytetare e Zimbabvesë, znj. Koventri (Coventry) është gruaja e parë që ulet në krye të sportit botëror.

Pas 130 vjetësh, Komiteti Olimpik Ndërkombëtar ka zgjedhur presidenten e parë grua dhe ekzekutivin e parë afrikan.

Znj. Koventri (Coventry), me moshë 41 vjeçe, kampione olimpik në 200 metra shpinë në Athinë 2004 dhe Pekin 2008, është zgjedhur president e dhjetë e IOC.

Konklava e anëtarëve të IOC zgjodhi atë si kandidaten e vetme femër midis shtatë kandidatëve, në raundin e parë të votimit. Kjo është një pikë kthese historike për Lëvizjen Olimpike.

Ajo është Ministre për Rininë, Sportin dhe Rekreacionin e Zimbabvesë.

Në fjalimet e saj para seancës së sotme në Navarino të Greqisë, ajo tha se fokusohet në emancipimin e sportistëve, diversitetin, barazinë gjinore dhe mbështet riintegrimin e sportistëve bjellorusë dhe rusë në Lojërat Olimpike.

Ajo ka qenë gjithmonë shumë e afërt me ish-presidentin tashmë Tomas Bak (Thomas Bach). Ajo do të marrë detyrën më 24 qershor 2025.

“Unë jam veçanërisht krenare që jam presidentja e parë femër e Komitetit Olimpik Ndërkombëtar dhe gjithashtu e para afrikane.

Shpresoj që kjo votë të jetë një frymëzim për shumë njerëz. …, unë jam plotësisht e vetëdijshëme për përgjegjësitë e mia si model”.

Këto ishin fjalët e para të saj, presidentja e dhjetë e Komitetit Olimpik Ndërkombëtar (IOC), gruaja e parë në historinë e tij 130-vjeçare dhe e para afrikane.

Ajo u zgjodh përpara kandidatëve të tjerë, Princi Feisal Al Hussein i Jordanisë, David Lappartient, Johan Eliasch, Juan Antonio Samaranch Jr., Sebastian Coe dhe Morinari Watanabe.

“Jam jashtëzakonisht e nderuar dhe e emocionuar që jam zgjedhur Presidente e Komitetit Olimpik Ndërkombëtar”, shtoi ajo.

“Dua të falënderoj sinqerisht kolegët e mi për besimin dhe mbështetjen e tyre.

Vajza e re që filloi të notonte në Zimbabve gjithë ato vite më parë, nuk mund të kishte ëndërruar kurrë për këtë moment të paarritshëm dhe të përkushtuar për sportin ne do të shfrytëzojmë maksimumin nga kjo fuqi, së bashku me të gjithë familjen olimpike, duke përfshirë atletët, tifozët dhe sponsorët tanë, ne do të ndërtojmë themelet tona të forta, do të përqafojmë inovacionin dhe do të mbështesim vlerat e miqësisë, përsosmërisë dhe respektit”, tha ajo.

Ajo do të pasojë në detyrë z. Tomas Bak (Thomas Bach), mandati 12-vjeçar i të cilit përfundon zyrtarisht të hënën më 23 qershor të vitit 2025 dhe do të shërbejë për një mandat tetë vjeçar.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit