KRYEGJYSHI BOTËROR I BEKTASHINJVE HAXHI DEDE BABA EDMOND BRAHIMAJ (BABA MONDI) THA PËR SULLTAN NEVRUZ: TË DUAM NJËRI-TJETRIN MË SHUMË.

Tiranë, Shqipëri | Kryegjyshi Botëror i Bektashinjve, Haxhi Dede Baba Edmond Brahimaj, ka uruar besimtarët bektashianë për ditën e shenjtë të Sulltan Nevruzit.

Ai theksoi rëndësinë e dashurisë dhe falënderimit ndaj Zotit, duke ftuar besimtarët të duan njëri-tjetrin dhe të kujdesen për jetën që Zoti ua ka dhuruar.

“Ta duam më shumë njërit tjetrin, Të jemi falënderues ndaj Zotit për të gjitha të mirat. Të ndjejmë njëri-tjetrin sa më afër. Zoti na do të bashkuar. Kjo jetë është dhënë nga Zoti dhe duhet të kujdesemi për të”, tha kryegjyshi Botëror i Bektashinjve.

Dita e Nevruzit, një festë e shenjtë për komunitetin bektashi, festohet në Shqipëri më 22 mars, ndërkohë që është shpallur nga OKB-ja si Dita Ndërkombëtare e Novruzit.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit