KRYEKOMISIONERI SHTETËROR I ZGJEDHJEVE ILIRJAN CELIBASHI THA SE I KA PROPOZUAR KOMISIONIT RREGULLATOR PËRDORIMIN E PAJISJEVE ELEKTRONIKE TË VOTIMIT DHE NUMËRIMIT (PEVN) PËR ZGJEDHJET E 11 MAJIT 2025.

Tiranë, Shqipëri | Kryekomisioneri Shtetëror i Zgjedhjeve, Ilirjan Celibashi bëri të ditur sot se i ka propozuar Komisionit Rregullator përdorimin e pajisjeve elektronike të votimit dhe numërimit (PEVN) për zgjedhjet e 11 majit 2025.

“Propozimi përfshin tre skenarë për zbatimin e votimit dhe numërimit elektronik.

Skenari i parë, përfshin pajisjet elektronike të votimit dhe numërimit (PEVN) në njësitë administrative nr. 1, 3, 5, 8, 9, 10 (Tiranë) dhe në Bërxull, Prezë, Vorë (Vorë).

Skenari i dytë përfshin vendosjen e PEVN në njësitë administrative nr. 2, 3, 5, 9, 10 (Tiranë) dhe në Bërxull, Prezë, Vorë (Vorë).

Skenari i tretë përfshin vendosjen  e PEVN në njësitë administrative nr. 5, 10 (Tiranë), Bërxull, Prezë, Vorë (Vorë) dhe në Durrës R1, R5 (Durrës).

Këto do të jenë zgjedhjet e katërta radhazi me PEVN, duke konfirmuar saktësinë 100% të procesit”, tha kryekomisioneri Celibashi.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit