___.png)
Lapland, Finlandë | Kryeministri grek Qirjakos Micotaqis (Kyriakos Mitsotakis) riafirmoi mbështetjen e palëkundur të Greqisë për Ukrainën gjatë pjesëmarrjes së tij në Samitin Veri-Jug në Lapland të Finlandës, të shtunën (21.12.2024).
Duke folur pas mbërritjes së tij, kryeministri Micotaqis (Mitsotakis) ishte i qartë kur u pyet nga gazetarët për mesazhin e tij për Rusinë dhe për presidentin Vladimir Putin.
“Mesazhi është shumë i qartë: ne do të vazhdojmë të qëndrojmë pranë Ukrainës dhe ta mbështesim atë pa mëdyshje. I takon Ukrainës të përcaktojë kohën e çdo negociate me Rusinë, por ajo duhet ta bëjë këtë nga një pozicion i fuqisë, jo i dobësisë”, tha ai.
“Do të kemi një diskutim shumë interesant në lidhje me sfidat para nesh në lidhje me sigurinë e Bashkimit Evropian.
Ne e dimë se duhet të ndajmë më shumë burime për mbrojtjen tonë kolektive. Pyetja është se si ne i arrijmë këto qëllime në një epokë të trazirave gjeopolitike në rritje” u tha kryeministri Micotaqis (Mitsotakis) gazetarëve.
Ai shtoi se samiti ofroi një mundësi për Greqinë që të ndajë perspektivat e saj mbi çështjet e Mesdheut duke fituar njohuri nga vendet skandinave rreth sfidave të tyre unike rajonale.
Në samit morën pjesë kryeministrat e Italisë dhe Suedisë, si dhe përfaqësuesi i lartë i Bashkimit Europian për politikën e jashtme dhe sigurinë.
Ai diskutoi sfidat dhe strategjitë e ndërsjella për forcimin e unitetit dhe mbrojtjes evropiane gjatë një kohe të pasigurisë gjeopolitike të shtuar.
Nga z. Erton Duka.
© Copyright | Agjencia Telegrafike Vox
Ne të njohim me botën | www.007vox.com | Burimi yt i informacionit
Comments