KRYEMINISTRI GREK QIRJAKOS MICOTAQIS (KYRIAKOS MITSOTAKIS) THA NË PARLAMENT: GREQIA TË NDAJË 25 MILIARDË € PËR MBROJTJEN | KËTË VIT GREQIA DYFISHOI BUXHETIN E MBROJTJES DUKE E ÇUAR NË 6.13 MILIARDË €.

Athinë, Greqi | Kryeministri grek Qirjakos Micotaqis (Kyriakos Mitsotakis), duke folur në parlament për të paraqitur planin e ri të armatimit, tha se Greqia do të ndajë 25 miliardë euro për të forcuar mbrojtjen e saj.

“Në një botë që po ndryshon me një ritëm të paparashikueshëm dhe në një kontekst të pasigurt ndërkombëtar, Greqia ka 25 miliardë euro për të forcuar forcat e saj të armatosura”, tha kryeministri Micotaqis (Mitsotakis).

Kryeministri shpjegoi se shpenzimet janë pjesë e planit për reformën më të rëndësishme të Forcave të Armatosura në historinë moderne të vendit të vendosur nga qeveria.

Së bashku me Poloninë, Estoninë dhe Letoninë, Greqia është një nga vendet e pakta anëtare të NATO-s që shpërndan më shumë se 3.0% të PBB-së së saj për mbrojtjen, një shpenzim i justifikuar historikisht nga tensionet e përsëritura me Turqinë fqinje.

Këtë vit, Greqia, e cila ka rreth 10 milionë banorë, dyfishoi buxhetin e saj ushtarak në 6.13 miliardë euro.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit