KRYEMINISTRI IZRAELIT BENJAMIN NETANJAHU MBËRRITI NË HUNGARI PËR VIZITË ZYRTARE | BUDAPESTI REFUZOI TË ZBATOJË URDHËR-ARRESTIN E LËSHUAR KUNDËR TIJ NGA GJYKATA NDËRKOMËTARE PENALE.

Budapest, Hungari | Kryeministri izraelit Benjamin Netanjahu mbërriti në Hungari, i pritur në aeroportin Budapest-Ferihegy nga një roje nderi ushtarake.

Kështu ka raportuar gazeta izraelite Kohërat e Izraelit (Times of Israel), duke shtuar se kryeministri Netanjahu është shoqëruar nga një autokolonë për në hotelin ku do të qëndrojë.

Vizita e kryeministrit Netanjahut në Budapest vjen mes polemikave të nxehta mbi urdhërarrestin e lëshuar nga Gjykata Penale Ndërkombëtare nëntorin e kaluar kundër tij dhe ish-ministrit izraelit të Mbrojtjes Joav (Yoav) Gallant, të akuzuar për krime të dyshuara lufte dhe krime kundër njerëzimit në Rripin e Gazës.

Izraeli i ka hedhur poshtë me forcë akuzat penale, duke i quajtur ato të motivuara politikisht dhe anti-semite.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit