KTHIMI I TREKËNDËSHIT TË ARTË: LUMENJ DROGE NGA AZIA NË PJESËN TJETËR TË BOTËS.

Nga z. Federiko Xhuliani (Federico Giuliani).

Romë, Itali | Kur, 12 dhjetorin e kaluar, Zyra e Kombeve të Bashkuara për Kontrollin e Drogës dhe Krimin (UNODC) publikoi një raport mbi kultivimin e opiumit në Azinë Juglindore, pak shkuan përtej përmbledhjes së punimit të ofruar nga mediat kryesore ndërkombëtare.

Kjo do të thotë, se Mianmari sapo ishte bërë prodhuesi më i madh në botë i opiumit, duke tejkaluar Afganistanin, me një rritje të prodhimit për vitin 2023 të vlerësuar në +36%, për një total prej afërsisht 1080 tonësh.

Në të njëjtën kohë, shpjegoi agjencia e OKB-së, kultivimi i lulëkuqes në Kabul dhe rrethinat e tij është ulur me 95%, pas ndalimeve të drogës, të vendosura nga talebanët.

Rezultati? I njëjti kultivim është përhapur në Mianmarin fqinj, ku një luftë brutale civile e ka bërë atë një burim fitimprurës të ardhurash.

Sidoqoftë, lajmi kryesor i vërtetë nga Anketa e Opiumit në Azinë Juglindore 2023: “Kultivimi, Prodhimi dhe Implikimet” ishte diçka tjetër.

Dhe ajo preku të gjithë kontinentin aziatik.

TREKËNDËSHI I ARTË SHKËLQEN SËRISH.

Myanmari është vetëm maja e ajsbergut, pjesa më e dukshme dhe më e dukshme e një tendence të konsoliduar.

Pjesa tjetër vë në pikëpyetje Trekëndëshin e Artë, një zonë gjeografike midis Mianmarit, Laosit dhe Tajlandës, ku kultivimi i opiumit ka vazhduar të zgjerohet vitin e fundit.

“Ndërprerjet ekonomike, të sigurisë dhe të qeverisjes që pasuan marrjen e kontrollit ushtarak në muajin shkurt të vitit 2021 vazhdojnë të shtyjnë fermerët në zonat e largëta drejt opiumit për të siguruar jetesën”, tha Përfaqësuesi Rajonal i UNODC, Xherëmi Dagllas (Jeremy Douglas), duke iu referuar shtetit të Birmanisë.

“Pritet që intensifikimi i konfliktit në Shan, dhe zona të tjera kufitare, mund ta përshpejtojë këtë prirje”, përfundoi ai, duke nisur një profeci ogurzezë.

Megjithatë, hetimi shqyrtoi edhe të dhënat e para për kultivimin e opiumit të mbledhura në Republikën Demokratike të Laosit, nga viti 2015 e deri më sot.

Ndërsa shifrat tregojnë se nivelet e kultivimit kanë mbetur relativisht të qëndrueshme në 5000 hektarë, vlerësimet më të rregullta do të jenë çelësi për të kuptuar ndikimin e sfidave të fundit ekonomike me të cilat përballet vendi.

Ndjenja është se tendenca kriminale ka filluar të rritet sërish në të gjithë Trekëndëshin e Artë. Me Mianmarin si testi lakmus i dosjes.

TRAFIKIMI I PALIGJSHËM.

Trekëndëshi i Artë - një rajon ku takohen kufijtë e xhunglës së tre vendeve të lartpërmendura: Tajlandës, Laosit dhe Mianmarit - ka qenë prej kohësh i njohur si qendra e një tregtie të paligjshme droge, e kontrolluar dhe e mbrojtur nga liderët ushtarakë të luftës aleate, me krimin e organizuar rajonal.

Drogat sintetike të prodhuara këtu kanë përmbytur tregjet aziatike (dhe më gjerë).

Sipas Kombeve të Bashkuara, më shumë se një miliard pilula metamfetamine u kapën nga autoritetet në Azinë Juglindore dhe Azinë Lindore vetëm në vitin 2021.

Ekonomia e përgjithshme e trafikut të paligjshëm të opioideve vetëm në Mianmar vlerësohet të jetë rreth 2 miliardë dollarë, ndërsa tregu rajonal i heroinës vlerësohet të jetë rreth 10 miliardë dollarë.

Ringjallja e prodhimit të opiumit në malësitë e Trekëndëshit të Artë do të rrjedhë në ekonominë më të gjerë të drogës me qendër në rajonin e poshtëm të Mekongut, dhe shumë më gjerë, kanë paralajmëruar Kombet e Bashkuara.

Trekëndëshi i Artë ka ekzistuar gjithmonë, por ajo që kemi parë në vitet e fundit është një zhvendosje vërtet e qartë nga opiumi dhe heroina drejt metamfetaminës, dhe së fundmi disa zhvendosje drejt ketaminës, tha z. Dagllas (Douglas) për entim mediatik Al Jazeera.

Laboratorë dhe objekte për përpunimin dhe ruajtjen e ketaminës në një shkallë industriale janë gjetur në të gjithë Kamboxhian, por Laosi, ngjitur me shtetin Shann dhe Tajlandën veriore, është gjithashtu një tjetër hallkë e dobët në luftën kundër trafikut të drogës.

Në të gjithë këtë, përfundoi UNODC, zgjerimi i kultivimit të opiumit ka nxitur kohët e fundit një ekonomi të paligjshme në rritje në Mekong, e cila kombinon nivele të larta dhe konstante të prodhimit të drogës sintetike, dhe një konvergjencë të trafikut të drogës, pastrimit të parave, dhe aktivitetit kriminal në internet, duke përfshirë kazinotë dhe operacionet e mashtrimit.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit