KUBË: PARTIA KOMUNISTE E KUBËS PO E NGODH POPULLIN PËR BUKË | VIETNAMI I DHUROI 10000 TONË ORIZ; SIVJET KUBA PRODHOI 30% TË ORIZIT TË KORRUR NË VITIN 2018.

Havanë, Kubë | Kuba ka marrë një dhuratë prej 10000 tonësh oriz të dërguar nga Vietnami, në mes të një skenari në të cilin, drithërat, me kërkesë të madhe, kanë munguar prej muajsh në tregjet shtetërore dhe në dyqanet jo të dollarizuara, të vetmet të aksesueshme për një pjesë të madhe të popullsisë.

“Ndihma u zyrtarizua në një ceremoni të mbajtur në terminalin e kontejnerëve Mariel, të kryesuar nga autoritetet nga të dy vendet”, njoftoi uebfaqja qeveritare Cubadebate.

Gjatë aktit protokolltar, zëvendësministri i Financave i Vietnamit, Le Tan Can, riafirmoi angazhimin e vendit të tij ndaj Kubës, duke theksuar natyrën historike të lidhjeve midis dy popujve, duke njoftuar një dërgesë të ardhshme shtesë prej 1500 tonësh drithëra, sërish si donacion.

Zëvendësministri i Tregtisë së Brendshme të Kubës, Araselis Kardoso (Aracelys Cardoso) Hernández, falënderoi qeverinë për gjestin dhe theksoi se këto donacione pasqyrojnë vëllazërinë e pazgjidhshme midis Kubës dhe Vietnamit, të rrënjosura në dekada të marrëdhënieve politike dhe bashkëpunimit ekonomik midis dy vendeve, të dyja me një parti të vetme qeverisëse.

Prodhimi i orizit në Kubë ka rënë në mënyrë dramatike vitet e fundit, duke rënë në 30% të atij të vitit 2018, sipas të dhënave zyrtare të publikuara në gazetën qeveritare Granma.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit